Nepal's No. 1 Digital News Portal, Business, Corporate, Tourism, Politics, Sports, Entertainment, digitalkhabar.com ...express media network

डढेलो र पहिरोको जोखिमका साथै ढुंगा,गिटी,बालुवा उत्खनन र चुरेको जलाधार संरक्षण सन्दर्भमा आज सार्थक वेबिनारको आयोजना हुँदै

0 65

२१ असार, काठमाडौं । नेपालको जनसंख्याको ठूलो हिस्साको निवास रहेको तराईको पानीको स्रोतको रुपमा रहेको चुरे क्षेत्रको संरक्षणको विषयमा आज सार्थक वेबिनार कार्यक्रमको आयोजना हुने भएको छ ।

सरकारले आगामी आर्थिक बर्षका लागि जेठ १५ मा ल्याएको बजेटमा ढुंगा,गिटी,बालुवा निकासी गर्ने विषय समेटको सन्दर्भमा चुरेको संरक्षणका विषयमा केन्द्रित हुने यो प्राज्ञिक बहस निकै सान्दर्भिक मानिएको छ ।

खानेपानीका स्रोतहरुको संरक्षण, खानेपानी र सरसफाईका क्षेत्रमा नवीनतम ज्ञान र प्रविधि र तिनमा आधारित उपकरणहरुको विकास,विस्तार र आम उपयोगमा सघाउने उद्देश्यले स्थापित स्मार्ट वास प्रा. लि.को आयोजनामा आज दिउसो २ बजेदेखि ४ बजेसम्म चुरेको जलाधार संरक्षणका बारेमा प्राज्ञिक बहस आयोजना गरिएको संस्थाका अध्यक्ष ई. रामदीप साहले बताउनुभएको छ ।

तराइ इञ्जिनियर्स समाज र चन्द्र इञ्जिनियरिड. कन्सल्ट्याण्टको आयोजनामा हुने यस बहसमा कृषि तथा वनविज्ञान विश्वविद्यालयका प्राध्यापक डा.बिनोद भट्टले ‘चुरे संरक्षणको गुरुयोजना र यसको दिशा’, त्रिभुवन विश्वविद्यालयको भूर्गभविभागका कार्यक्रम संयोजक डा.कविराज पौडेलले “चुरेभावर क्षेत्रमा जलसंशाधनको नक्सांकन र भैगर्भिक संवेदनशीलता” र भूमिगत जलविकास तथा जलभूगर्भका स्वतन्त्र परामर्शदाता ई.प्रतापसिंह तातेरले यस क्षेत्रको पानीको अवस्थाको बारेमा कार्यपत्र प्रस्तुत गर्ने कार्यक्रम रहेको छ ।

विज्ञहरुबाट प्रस्तुत हुने कार्यपत्रमा सिंचाइ र जलस्रोत व्यवस्थापनका स्वतन्त्र अन्तर्राष्ट्रिय परामर्शदाता डा.कृष्णचन्द्र प्रसाद साह र राष्ट्रपति चुरे तराई मधेश संरक्षण विकास समितिका अध्यक्ष डा.किरण पौडेलले टिप्पणी गर्ने कार्यक्रम रहेको जानकारी स्मार्ट वासका निर्देशक गिरिजा दाहालले दिनुभएको छ ।

कार्यक्रममा पूर्व मन्त्री गणेश साह, तराई प्रजातान्त्रिक इञ्जिनियर्सका सल्लाहकार ई.दिलिपकुमार झा र ई. हरिप्रसाद शर्माले पनि मन्तव्य राख्ने कार्यक्रम रहेको छ ।

कार्यक्रममा तराईका विभिन्न नगरपालिका र गाउँ पालिकाका जनप्रतिनिधि र चुरे तथा तराईको भविष्यका बारेमा चासो राख्ने विज्ञ,सरोकारवाला र सर्वसाधरणको सहभागिता हुने बताइएको छ ।


- Advertisement -


मल्टिमिडिया ग्यालरी

Comments

comments

Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time
Leave A Reply

Your email address will not be published.