Nepal's No. 1 Digital News Portal, Business, Corporate, Tourism, Politics, Sports, Entertainment, digitalkhabar.com ...express media network

चेक रिपब्लिकलाई पराजित गर्दै डेनमार्क २९ वर्षपछि युरोकपको सेमिफाइनलमा

0 82

२० असार, एजेन्सी । युरोपेली च्याम्पियनसिप २०२० अन्तर्गत तेसो क्वाटरफाइनलमा चेक रिपब्लिकलाई पराजित गर्दै डेनमार्कले सेमिफाइनलमा स्थान पक्का गरेको छ । पहिलो हाफकै २ गोलको मदतले डेनमार्क २-१ को जित दर्ता गर्न सफल रहयो ।

चेक गणतन्त्रलाई २–१ ले हराउँदै डेनमार्कले युरोकप फुटबलको सेमिफाइनलमा स्थान बनाएको हो । अजरवैजानको बाकुस्थित रंगशालामा भएको खेलमा थोमस डिलानेले पाँचौ मिनेटमै डेनमार्कलाई अग्रता दिलाएका थिए । ४२ मिनेटमा कास्पर डोलवर्गले डेनमार्कको अग्रता दोब्बर पारे ।

दोस्रो हाफमा चेक गणतन्त्रले गोल फर्कायो । उसका लागि ४९ मिनेटमा प्याट्रिक सिकले गोल गरे । जारी प्रतियोगितामा यस गोलसँगै सिक सर्वाधिक गोलकर्ताको सूचीमा क्रिष्ट्रियानो रोनाल्डोसँगै पहिलो स्थानमा उक्लिए । दुबैले प्रतियोगितामा ५–५ गोल गरेका छन् ।

तर, सिकले टोलीलाई सेमिफाइनल लग्न भने सकेनन् । बराबरी गोलका लागि अन्त्यसम्म प्रयास गरेपनि चेक गणतन्त्र सफल हुन सकेन । डेनमार्कले सेमिफाइनल खेलमा इङल्यान्ड र युक्रेनबीचको खेलको विजेतासँग प्रतिस्पर्धा गर्नेछ ।


- Advertisement -


मल्टिमिडिया ग्यालरी

Comments

comments

Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time
Leave A Reply

Your email address will not be published.