सिन्धुपाल्चोकको बलेफी, भोटेकोशीले खतराको तह नाघे, उच्च सतर्कता अपनाउनू – मौसम विभाग
Advertisement
०२ असार, काठमाडौं । जल तथा मौसम विज्ञान विभागले सिन्धुपाल्चोकको जलबिरेस्थित बलेफी खोला जलमापन केन्द्रमा अकस्मात् जलसतह बढेर खतरा तह पार गरेकाले सतर्क रहन आग्रह गरेको छ । यस्तै बाह्रबिसेस्थित भोटेकोशी नदीको जलमापन केन्द्रमा पनि सतर्कता तह पार गरेकाले सुनकोशी नदी खुर्कोटसम्मका तटीय क्षेत्रमा बुधबार बिहानसम्म उच्च सतर्कता अपनाउन विभागको आग्रह छ ।
सिन्धुपाल्चोकमा लगातार परेको वर्षाका कारण मंगलबार साँझ आएको बाढीले हेलम्बु, मेलम्चीलगायतका बजारमा जोखिममा परेको छ । मेलम्ची नजिकै रहेको सशस्त्र प्रहरीको क्याम्प बगाएको प्रमुख जिल्ला अधिकारी अरुण पोखरेलले जानकारी दिए । उनका अनुसार अहिलेसम्म केही बेपत्ता भएको आशंका गरिएको भए पनि पुष्टि हुन सकेको छैन ।
Comments
