सिईडिबि हाइड्रोपावर डेभलपमेन्ट कम्पनी लिमिटेड शेयर सूचीकरणको लागि सिडिएस एण्ड क्लियरिङ् लिमिटेडमा
१९ जेठ, काठमाडौं । आईपीओ बाँडफाँट गरी सूचीकृत हुन बाँकी रहेको सिईडिबि हाइड्रोपावर डेभलपमेन्ट कम्पनी लिमिटेडको सिडिएस एण्ड क्लियरिङ् लिमिटेडमा सूचीकरणका लागि प्रकृया अघि बढाएको छ ।
सिडिएससीमा सूचीकरण गराएपश्चात आगामी साताभित्र नेपाल स्टक एक्सचेञ्ज (नेप्से) मा सूचीकृत गराउने तयारी कम्पनीले गरेको हो । कम्पनीको आईपीओ विक्री प्रबन्धकको जिम्मेवारी सन्राइज क्यापिटलले पुरा गरेको थियो ।
कम्पनीले बैशाख १७ गतेदेखि २१ गतेसम्म सर्वसाधारणमा आईपीओ विक्री गरी बैशाख ३१ गते बाँडफाँट गरेको थियो । कम्पनीले रू. २५ करोड १८ लाख २३ हजार बराबरको २५ लाख १८ हजार २३० कित्ता आईपीओ सर्बसाधारणमा वितरण गरेको हो ।
हाल रू. ५८ करोड ७५ लाख ८७ हजार चुक्तापूँजी रहेको कम्पनीको सर्वसाधारणमा शेयर जारी बाँडफाँट पश्चात यो पूँजी रू. ८३ करोड ९४ लाख १० हजार पुगेको छ ।
प्रतिशेयर नेटवर्थको आधारमा कम्पनीको पहिलो कारोबारका लागि रू. १३८ दशमलव ७९ देखि रू. ४१६ दशमलव ३७ सम्मको मूल्य रेञ्ज पाउने देखिन्छ । नेप्सेले कम्पनीको पहिलो शेयर कारोबारका लागि वास्तविक प्रतिशेयर नेटवर्थको तीन गुणासम्मको लागि मूल्य तोक्ने गर्दछ ।