Advertisement
१६ बैशाख, पोखरा । राष्ट्रिय जनमोर्चाले आफ्ना सांसद खिमविक्रम शाहीलाई अस्पतालमा बन्दीको रुपमा किन राखिएको भन्दै उनको स्थिति सार्वजनिक गर्न सरकारसँग अनुरोध गरेको छ ।
आज एक विज्ञप्ति जारी गर्दै जनमोर्चाले राष्ट्रिय प्रयोगशालामा परीक्षण गर्दा नेगेटिभ रिर्पोट आएको उनको आकस्मत कसरी पोजेटिभ रिर्पोट आयो भन्दै प्रश्न गरेको छ । साथै जनमोर्चाले सरकारलाई यसको जवाफ दिन माग गरेको छ ।
जनमोर्चाले गण्डकी प्रदेशको सरकारविरुद्ध आएको अविश्वासको समर्थन गर्ने पार्टीको निर्णय परिवर्तन नभएको स्पष्ट पार्दै मतदानको बेलामा भएको शाहीको अनुपस्थिति रहस्यमय भएको जनाएको छ ।
अहिले अस्पतालमा राष्ट्रिय जनमोर्चाका नेता तथा कार्यकर्ता लगायत कसैँलाई पनि शाहीसँग भेट गर्न नदिएको भन्दै जनमोर्चाले आपत्ति जनाएको छ ।
RSS Error: A feed could not be found at `https://digitalkhabar.com/?#`; the status code is `200` and content-type is `text/html`
Comments
