Advertisement
१३ बैशाख, हुम्ला । हुम्लाको सिमकोट गाउँपालिकाका विद्यालयमा एक हप्ताका लागि पठनपाठन ठप्प गरिएको छ ।
कोरोना भाइरसको संक्रमणको जोखिम बढेको भन्दै सावधानीका लागि विद्यालय बन्द गरिएको हो ।
विद्यार्थीहरुमा स्वासप्रश्वास सम्बन्धी बिरामी बढ्न थालेपछि सावधानी स्वरुप वडा अध्यक्ष तथा प्रधानाध्यापकहरुसँगको आकश्मिक छलफलपछि सोमबारदेखि एक हप्ताका लागि विद्यालय बन्द गरिएको हो ।
अहिले विद्यार्थीहरुमा मौसमी फ्लूको समस्या देखिएको र कोरोना भाइरसको जोखिम हुन सक्ने भएकाले विद्यालय बन्द गरिएको हो ।
सिमकोट गाउँपालिकामा सातवटा मावि, १६ वटा आधारभुत विद्यालय र पाँचवटा निजी विद्यालय गरि कुल २८ वटा विद्यालय रहेका छन् ।
२३ वटा सामुदायीक र पाँचवटा निजी विद्यालय रहेका छन् । जिल्ला अन्य ६ वटा गाउँपालिकाले भने हालसम्म कुनै निर्णय लिन सकेको छैनन् ।
Comments
