Advertisement
२० असाेज,काठमाडाैं । नायक अनमोल केसीले रोहित अधिकारीको निर्माणमा सुयोग गुरुङको निर्देशनमा बन्न लागेको फिल्म ‘फर्कि फर्कि’को तयारी अगाडि बढाएका छन् । फिल्मको छायांकन तिहारको फूलपातिबाट सुरु गर्ने तयारी निर्माता रोहितको छ।
यो फिल्ममा अनमोलको जोडीको रुपमा नायिका जसिता गुरुङले काम गर्दैछिन् । यसैबीच, फिल्ममा अडिसनबाट अनमोल र जसितापछि २ नयाँ कलाकार सम्वृद्धी अर्याल र रवि काफ्लेले काम गर्ने पक्का भएको छ ।
नरेन्द्र मैनालीको छायांकन रहने फिल्ममा रोमन बज्राचार्य, नरेन लिम्बू र अनमोल गुरुङको संगीत रहनेछ । फिल्म निर्माणमा रोहितसँग ओएसआर डिजिटलले सहकार्य गरेको छ ।
‘फर्कि फर्कि’ ले सपना र विपनाबीचको कन्फ्यूजनको कथा भन्नेछ । अनमोल केसी र जसिता गुरुङले पहिलो पटक एकसाथ पर्दामा काम गर्न लागेका हुन् ।
Comments
