अष्ट्रेलियामा झण्डै ६ प्रतिशतले बढ्यो कामदारको तलब, अब घण्टाको कति पाउँछन् ?
Advertisement
२७ जेठ, मेलबर्न, अष्ट्रेलिया । अष्ट्रेलियामा सबैभन्दा कम पारिश्रमिक पाउने कामदारको तलब बढ्ने भएको छ । आगामी जुलाई १ बाट कामदारको तलब ५.७५ प्रतिशतले बढ्न लागेको हो। बढेको तलब अनुसार अब सबैभन्दा कम पारिश्रमिक पाउने कामदारले प्रतिघण्टा न्युनतम पारिश्रमिक २३ डलर २३ सेन्ट कमाउने छन्।
फेयरवर्क ओम्बुस्डम्यानको पहलमा महंगीको मारमा परेका कामदारलाई राहत दिनेगरी २ डलरको तलबबृद्धीको निर्णय गरेको हो। सो निर्णयले २.७५ मिलियन कामदारहरूले प्रत्यक्ष लाभ लिने समाचारमा बताइएको छ।
जुलाई १ बाट अष्ट्रेलियामा काम गर्ने कामदारले हप्ताको ८८३ डलरसम्म कमाउने छन्।
एफडब्लुएफका अध्यक्ष एडम ह्याचरले भने, गत वर्षको ५.२ प्रतिशतको न्यूनतम ज्याला वृद्धिले चारमध्ये एक जना कामदारलाई असर गरेको थियो जसको पारिश्रमिक राष्ट्रिय कुलको ११ प्रतिशत थियो। तर त्यो वृद्धिले कुल ज्याला वृद्धिको १० प्रतिशत भन्दा कम बनायो र ज्याला–मूल्य सर्पिलमा योगदान गरेको थिएन। आयोगले विशेषगरी न्यून तलब पाउनेलाई आधारभूत आर्थिक आवश्यकता पूरा गर्ने क्षमतामा विचार गरेको उनले बताए ।
Comments
