FILE - Workers load grain at a grain port in Izmail, Ukraine, on April 26, 2023. The United Nations is racing to extend a deal that has allowed for shipments of Ukrainian grain through the Black Sea to parts of the world struggling with hunger, helping ease a global food crisis exacerbated by the war that Russia launched more than a year ago. (AP Photo/Andrew Kravchenko, File)

रूस र युक्रेनबीचको खाद्यान्न सम्झौता थप दुई महिना लम्बियो

By न्युज एजेन्सी Last updated May 18, 2023

०४ जेठ, एजेन्सी । संयुक्त राष्ट्र सङ्घको समर्थन प्राप्त रूस र युक्रेनबीचको खाद्यान्न सम्झौता थप दुई महिना लम्बिएको छ।

टर्कीका राष्ट्रपति रिसेप तैयप एर्दोगानले रूसी राष्ट्रपति भ्लादिमिर पुटिन, युक्रेनी समकक्षी भोलोदिमिर जेलेन्स्की र संयुक्त राष्ट्रसङ्घका महासचिव एन्टोनियो गुटेरेसलाई सम्झौता लम्ब्याउन भूमिका खेलेको र आफूले यसको समन्वय गरेको बताउनुभयो । त्यसअनुसार ‘ब्ल्याक सी’ को अन्न सम्झौतालाई थप दुई महिना लम्ब्याउने निर्णय भएको उहाँले जानकारी दिनुभयो।

एर्दोगानले यो सम्झौता सबै पक्षका लागि लाभदायक हुने विश्वास व्यक्त गर्नुभएको समाचार संस्था एएफपीले जनाएको छ । अघिल्लो वर्षको फेब्रुअरीमा रूसले आक्रमण गर्नुअघि युक्रेन विश्वको प्रमुख खाद्यान्न निर्यातकर्तामध्ये एक थियो।

रुसी युद्धपोतहरूले युक्रेनको ‘ब्ल्याक सी’ बन्दरगाह अवरुद्ध गरेपछि विश्व बजारमा खाद्यान्नको मूल्य बढेको थियो । युद्ध सुरु भएयता रूस र युक्रेनबीच यो मात्रै एउटा सम्झौता भएको छ ।