Advertisement
३० बैशाख, काठमाडौं । स्थानीय तह निर्वाचनको दिन आज मौसममा बदली हुने सम्भावना देखिएको छ ।
मौसम विभागले स्थानीय निर्वाचन २०७९ का लागि विशेष मौसम पूर्वानुमान बुलेटिन सार्वजनिक गर्दै यसबारे जानकारी गराएको हो ।
आज बिहान ६ बजेदेखि साँझ ६ बजेसम्म प्रदेश १, मधेश प्रदेश र बागमती प्रदेशमा सामान्य बदली रहनेछ ।
अन्य प्रदेशमा आंशिकदेखि सामान्य बदली रहने विभागले जनाएको छ ।
यस्तै प्रदेश १, बागमती प्रदेश र गण्डकी प्रदेशका केही स्थानहरूमा मेघ गर्जन तथा चट्याङसहित हल्कादेखि मध्यम वर्षाको सम्भावना रहेको विभागले जनाएको छ ।
अन्य प्रदेशका थोरै स्थानहरूमा मेघ गर्जन तथा चट्याङसहित हल्का वर्षाको सम्भावना रहेको विभागको भनाइ छ ।
Comments
