करिव तीन बर्षपछि राखेपको बोर्ड बैठक आज बस्दै, मुख्य एजेन्डा एशियन गेम्स र नवौं राष्ट्रिय खेलकुद
Advertisement
०९ बैशाख, काठमाडौं । करिव तीन बर्षपछि राष्ट्रिय खेलकुद परिषद्को बोर्डको बोर्ड बैठक आज बस्दैछ । राखेपमा सदस्यसचिव टंक लाल घिसिङको प्रस्तावमा युवा तथा खेलकुद मन्त्री महेश्वर गहतराजले आजको लागि बोर्ड बैठक बोलाएका छन् ।
तर आजको बैठकमा अदातलबाट अल्पकालिन अन्तरिम आदेश लिएर आएका पाँच जना सदस्यले भने सहभागिता जनाउन नपाउने भएका छन् । जसका कारण उनीहरुले आफुहरु सहभागि हुनका लागि निवदेन समेत गरेका थिए ।
राखेपमा दुई वटा सदस्यसचिव परिवर्तन हुँदा बस्न नसकेको बोर्ड बैठक तीन बर्षपछि आज बस्न लागेको हो । जसमा आजको बैठकमा मुख्य गरेर दुई वटा एजेन्डा हुनेछन् ।
सदस्यसचिव घिसिङले नवौं राष्ट्रिय खेलकुद र १९ औं एशियन गेम्सको सहभागिताका बिषयमा मुख्य एजेन्डा बनाएका छन् । पछिल्लो पटक घिसिङले एशियन गेम्समा कति खेल समावेश गर्ने भन्ने विषयमा विभिन्न निकायसँग छलफल गरेका थिए । यस्तैमा पदकको संभावना भएका खेललाई मात्र सहभागिता गराउने की भन्ने विषयमा पनि छलफल भएको थियो ।
यता नवौं राष्ट्रिय खेलकुदमा ३८ खेललाई सहभागिता गराउने बिषयमा बैठकमा प्रस्ताव जाने भएको छ । केहि दिन अगाडि सात प्रदेशका कार्यकारीसँगको बैठकबाट सो खेलको प्रस्ताव आएको थियो ।
जसमा भलिबल, फुटबल, क्रिकेट, बास्केटबल, कबड्डी, हक्सी, खोखो, चेस, ह्याण्डबल, ट्रायथलन, गल्फ, प्याराग्लाइडिङ, रग्बी, डान्स स्पोर्टस, एथ्लेटिक्स, इ स्पोर्टस, बक्सिङ, तेक्वान्दो, भारत्तोलन, कराँते, सेपाक्टाक्रो, टेबल टेनिस, कुस्की, ब्याटमिन्टर, उसु, जुडो, आईटिएफ, फुल कन्ट्याक्ट कराते, स्क्वास, सुटिङ, जिम्नास्टिक, लन टेनिस, सफ्ट टेनिस, आर्चरी, फेन्सिङ, बडिबिल्डिङ र पौडी रहेका छन् ।
नवौं बृहत राष्ट्रिय खेलकुद जेठ २२ देखि २८ सम्म गण्डकी प्रदेश हुने तालिका छन् । यता चीनमा हुने एशियन गेम्सका लागि आयोजकले तयारी पुरा गरे पनि नेपालले खेलाडीको तयारी सुरु गर्न सकेको छैन । युवा तथा खेलकुद मन्त्रालयमा हुने बैठक बिहान ११ बजेबाट बस्ने बताइएको छ । अन्तिम पटक राखेपको बोर्ड बैठक २०७६ सालको सुरुवातमा बसेको थियो ।
त्यसपछि दक्षिण एशियाली खेलकुद साग हुँदा पनि बोर्ड बैठक बस्न सकेको थिएन । त्यसपछि तत्कालिन सदस्यसचिवले वीचमा एक पटक बोर्ड बैठकका लागि आह्वान गरेपनि त्यो बस्न सकेकाे थिएन ।
मल्टिमिडिया ग्यालरी
Comments
