Nepal's No. 1 Digital News Portal, Business, Corporate, Tourism, Politics, Sports, Entertainment, digitalkhabar.com ...express media network

८% एभरेष्ट बैंक ऋणपत्र २०७८’ को अवधि असार मसान्तमा सकिदैं

0 70

२५ असार, काठमाडौं । एभरेष्ट बैंक लिमिटेडले २०७२ साल असार ३१ गते जारी गरेको “८% एभरेष्ट बैंक ऋणपत्र २०७८” को अवधि यहि असार ३१ गते समाप्त हुने भएको छ । बैंकले प्रतिऋणपत्र रू. १ हजार अंकित दरको ६ लाख कित्ता ऋणपत्र विक्री गरेको हो ।

उक्त ऋणपत्रको अवधि समाप्त हुने भएसँगै बैंकले अन्तिम साँवा ब्याज भुक्तानीका लागि सम्बन्धीत ऋणपत्र धनीहरुलाई आवश्यक कागजात र विवरण उपलब्ध गराउन अनुरोध गरेको छ ।

बैंकले काठमाडौं भित्रका ऋणपत्रधनीहरुलाई एभरेष्ट बैंकको मुख्य कार्यालय, लाजिम्पाट, काठमाडौं र काठमाडौं वाहिर रहेका ऋणपत्रधनीहरुलाई आफुलाई पायक पर्ने एभरेष्ट बैंकको कुनै पनि शाखा कार्यालयमा सम्पर्क राखी आवश्यक कागजात बुझाउन भनेको हो ।

अन्तिम साँवा ब्याज प्राप्त गर्नका लागि सम्बन्धीत ऋणपत्र धनीहरुले ऋणपत्रको सक्कल प्रमाणपत्र, नेपाल नागरिकताको प्रमाणपत्र वा आधिकारिक परिचयपत्रको प्रतिलिपि र बैंक खाताको विवरण बुझाउन बैंकले आग्रह गरेको हो ।

स्वयं ऋणपत्रधनी उपस्थित हुन नसकेको खण्डमा भने रितपूर्वकको मञ्जुरीनामा साथै मञ्जुरीनामा प्राप्त गर्ने व्यक्तिको परिचयपत्रको प्रतिलिपि समेत अनिवार्य रुपमा पेश गर्न बैंकले आग्रह गरेको छ ।


- Advertisement -


मल्टिमिडिया ग्यालरी

Comments

comments

Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time
Leave A Reply

Your email address will not be published.