कास्की निषेधाज्ञा : सर्तसहित केहि खुकुलो
१४ असार, कास्की । जिल्ला प्रशासन कार्यालय कास्कीले निषेधाज्ञा लम्ब्याएको छ । यसअघि असार १५को मध्यरातसम्म जारी निषेधाज्ञा असार २५को मध्यरातसम्म लम्ब्याइएको हो ।
कोरोना भाइरसको संक्रमण मृत्युदर केही घटेपनि अपेक्षाकृत नभएको उल्लेख गर्दै प्रशासनले यसपटक केहि खुकुलो बनाएको छ । जसअनुसार अब सार्वजनिक सवारीहरु गुड्ने भएका छन् । स्वास्थ्य मापदण्डको पुर्ण पालना गरि जोर गते जोर र बिजोर गते बिजोर नम्बर प्लेटका सवारी चल्न पाउने प्रशासनले उल्लेख गरेको छ ।
यस्तै १२ बजेसम्म मात्रै पसल व्यवसाय सञ्चालन हुँदै आएकोमा मंगलबारको मध्यरातदेखि खाद्यान्न बिहान ५ देखि साँझ ६ र खाद्यान्न बाहेकलाई बिहान ११ देखि साँझ ६ बजेसम्म सञ्चालन गर्न दिइने प्रशासनले जनाएको छ ।