Advertisement
१० जेष्ठ, मुगु । कर्णाली प्रदेशकै जडीबुटीको खानी मानिएको मुगुमा पाइने अमूल्य यार्सागुम्बा कोरोना महामारीका कारण वनमा नै खेर जाने भएको छ । कोरोना संक्रमण स्थानीय स्तरमा नै फैलिएपछि गाउँपालिकाले यार्सागुम्बा संकलनमा रोक लगाएपछि करोडौंको यार्सागुम्बा वन मै खेर जाने भएको हो ।
स्थानीय स्तरमा नै कोरोना संक्रमण फैलिएको भन्दै मुगुमकार्मारोङ्ग गाँउपालिकाको कार्यपालिकाले बैठकले यो वर्ष यार्सागुम्बा संकलनमा रोक लगाउने निर्णय गरेको हो ।
गत बैशाख १८ गते बसेको कार्यापालिकाको बैठकले जेठ १० गतेबाट यार्सागुम्बा संकलन खुल्ला गर्ने निर्णय गरेको थियो, तर गाँउपालिकास्तरमा नै कोरोना फैलिएको कारण जेठ दुई गते बसेको कार्यपालिकाको बैठकले यो वर्ष यार्सा संकलनमा रोक लगाउने निर्णय गरेको प्रमुख प्रशासकीय अधिकृत तीर्थ बहादुर कठायतले जानकारी दिए ।
जडीबुटीको खानी मानिएको यस गाँउपालिकाको वडा नम्बर २ मा रहेका सानाकोकी, ठूलोकाखी, हाङदाङ्ग, टाके, रिमाड, छापाकोलालगायत आधा दर्जन भन्दा बढी पाठनमा बहुमूल्य जडीबुटी यार्सागुम्बा पाइन्छ ।
यार्सा संलकनका क्रममा गाँउपालिकाभित्र र बाहिरका हजारौं मानिसहरुको भीडभाड हुने र कोरोना संक्रमण तीब्र रुपमा फैलिनसक्ने भएकाले यो वर्ष यार्सा संकलनमा रोक लगाइएको हो ।
कोरोना महामारी फैलिनबाट रोक्न, बच्न र बचाउनका लागि यो वर्ष यार्सा संकलनमा रोक लाइएको मुगमकामारोङ्ग गाँउपालिकाका अध्यक्ष छिरिङ्ग क्याप्र्ने लामाले बताए ।
मुगमकममारोङ्ग गाँउपालिकाका स्थानीयको मुख्य आयस्रोत नै र्यासागुम्बा, चिराइतो, जटामासी, कुट्की, धुपी, अतिस, सुगन्धवाललगायतका दर्जनौ जडीबुटी हुन् । पछिल्लो २ वर्ष कोरोनाका कारण जडिबुटी संकलनमा रोक लगाइएको कारण मुगममकामारोङ्ग गाँउपालिकाका स्थानीयको आयस्रोतमा असर परेको स्थानीयको गुनासो छ ।
Comments
