अफ्रिकामा पुष्टि भएका कोभिड-१९ संक्रमितको संख्या ४६ लाखभन्दा बढी
०२ जेष्ठ, एजेन्सी । अफ्रिकामा पुष्टि भएका कोभिड–१९ संक्रमितको संख्या ४६ लाख ७७ हजार ७ सय ९८ पुगेको अफ्रिकी रोग नियन्त्रण तथा रोकथाम केन्द्र (अफ्रिका सीडीसी) ले शनिबार जानकारी गराएको छ ।
अफ्रिकामा कोभिड–१९ को महामारीबाट प्रभावित सङ्क्रमितमध्ये ४२ लाख ३२ हजार ९ सय ७४ व्यक्ति संक्रमणमुक्त भएका छन् भने मृत्यु भएका संक्रमितको संख्या एक लाख २५ हजार ८ सय ९० पुगेको ५५ सदस्यीय अफ्रिकी युनियनको विशेष स्वास्थ्य निकाय, अफ्रिका सीडीसीले पुष्टि गरेको छ ।
अफ्रिका सीडीसीका अनुसार दक्षिण अफ्रिका, मोरक्को, ट्युनिसिया, इथियोपिया र इजिप्ट देशहरू महादेशमा सबैभन्दा बढी संक्रमित हुने देशहरू हुन् ।
संक्रमित संख्याको हिसाबले दक्षिण अफ्रिका सबैभन्दा बढी प्रभावित क्षेत्र हो । उत्तर अफ्रिका र पूर्वी अफ्रिकी मुलुकहरू पनि बढी प्रभाबित रहेका छन् भने यस महाद्वीपमा मध्य अफ्रिका सबैभन्दा कम प्रभावित क्षेत्र हो ।
दक्षिण अफ्रिकामा शनिबारसम्म १६ लाख आठ हजार ३९३ सङ्क्रमित फेला परेका छन् भने दोस्रो बढी प्रभावित मानिएको अफ्रिकी मुलुक मोरक्कोमा पाँच लाखभन्दा ब ढी व्यक्तिमा संक्रमण पुष्टि भएको छ ।