Nepal's No. 1 Digital News Portal, Business, Corporate, Tourism, Politics, Sports, Entertainment, digitalkhabar.com ...express media network

जसपा नेतासँग दाहाल–नेपालको भेट

0 32

 १३ फागुन, काठमाडौं । नेकपा प्रचण्ड–माधव समूहले बिहीबार बिहान जनता समाजवादी पार्टी (जसपा)का नेताहरुसँग भेट गरेको छ ।

पार्टी कार्यालय कोटेश्वर पेरिसडाँडामा अध्यक्षद्वय पुष्पकमल दाहाल र माधवकुमार नेपालले जसपाका नेताहरुसँग छलफल गर्नुभएको हो । छलफलमा जसपा नेपालका अध्यक्ष महन्थ ठाकुर, वरिष्ठ नेता राजेन्द्र महतो र कार्यकारिणी समिति सदस्य राजेन्द्र श्रेष्ठ सहभागी हुनुहुन्थ्यो।

छलफलमा सहभागी नेता महतोका अनुसार दाहाल–नेपालले सरकार गठनमा सहकार्यको प्रस्ताव गर्नुभएको थियो । महतोका अनुसार जसपाका नेताहरुले दाहाल–नेपाल पक्षको पार्टी कुन हो स्पष्ट पार्नका लागि आग्रह गरेको र उहाँहरुको प्रस्ताव पार्टीको बैठकमा छलफल गर्ने बताउनुभएको छ ।

सर्वोच्च अदालतले प्रतिनिधिसभाको पुन:स्थापनाको फैसला सुनाएसँगै प्रचण्ड–माधव समूहले बुधबार नै कांग्रेस सभापति शेरबहादुर देउवासँग छलफल गर्नुभएको थियो ।

नेकपा एकताबद्ध बनाउन दाहाललाई गौतमको सुझाव
सर्वोच्च अदालतले प्रतिनिधिसभाको पुन:स्थापनाको फैसला सुनाएसँगै नेकपा उपाध्यक्ष वामदेव गौतमले पनि राजनीतिक सक्रियता देखाउनुभएको छ ।

उहाँले बिहीबार बिहान पार्टी अध्यक्ष पुष्पकमल दाहाल ‘प्रचण्ड’लाई भेटेर पार्टीलाई एकताबद्ध बनाउन सुझाव दिनुभयो । उहाँले प्रधानमन्त्री केपी शर्मा ओलीसँग वार्ता गर्दै पार्टी विवाद निरुपण गर्न पनि अपिल गर्नुभएको छ ।


- Advertisement -


मल्टिमिडिया ग्यालरी

Comments

comments

Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time
Leave A Reply

Your email address will not be published.