जर्मन अटो कम्पनी बीएमडब्ल्यूले प्रस्तुत गर्यो नयाँ लोगो

१९ माघ, काठमाडौं । जर्मन अटोमेकर बीएमडब्ल्यूले आफ्नो नयाँ लोगो प्रस्तुत गरेको छ। अर्को महिनादेखि अब प्रत्येक बीएमडब्ल्यूमा अपडेट गरिएको लोगो समावेश गर्नेछ।

अटोमेकरले गत सेप्टेम्बरमा आईएक्स३ मा नयाँ लोगो प्रस्तुत गरेको थियो र नयाँ लोगोमा परिवर्तनहरू भने सूक्ष्म भएको टेलीग्राफले रिपोर्ट गरेको छ।

नयाँ लोगोको सर्कल आफैँमा प्रायः अपरिवर्तित रहेका तर रङ्ग र बनावट थोरै फरक भएको उल्लेख छ। उदाहरणका लागि, भित्री क्रोम रिङ्ग हटाइएको छ भने समग्र डिजाइन फ्ल्याट देखिएको छ।

बीएमडब्ल्यू डिजाइन प्रमुख ओलिभर हेल्मरले भने “हामी सम्पदालाई संरक्षण गर्न चाहन्थ्यौं तर लोगोलाई अझ परिशुद्धता दिन चाहन्थ्यौं। क्रोम अझै पनि छ, अक्षरहरूलाई चम्किलो ढाँचाले परिष्कृत गरिएको छ जुन तपाईंले प्रायः घडीहरूमा फेला पार्नुहुन्छ, र सेतो सतहहरू अब बाहिरी रिङ्गको नजिक छन्। यो समतल छ, तर जब तपाईं यसलाई छुनुहुन्छ, तपाईं अझै पनि किनारहरू महसुस गर्न सक्नुहुन्छ।”