Advertisement
१८ जेठ, टोरन्टो । क्यानडाका प्रधानमन्त्री जस्टिन ट्रुडोले मुलुकमा सम्पूर्ण हयान्डगनको खरिद र बिक्रीमाथि पूर्ण रूपमा प्रतिबन्ध लगाउनुपर्ने विचार व्यक्त गरेका छन् । उनको सरकारले कसैले पनि कुनै पनि प्रकारका बन्दुक निजी स्वामित्वमा राख्न नपाउने नयाँ कानुन लागु गर्न लागेको छ ।
नयाँ कानुनले तत्कालै ह्यान्डगनको स्वामित्वमा नभई अबदेखि त्यस्ता हतियार खरिदलाई अवैध ठहर गर्न लागेको बताइएको छ । अमेरिकाको टेक्सासस्थित एउटा प्राथमिक विद्यालयमा दुई शिक्षिका र १९ जना बालबालिकाको ज्यान जानेगरी गोलीकाण्ड भएको केही दिनपछि क्यानडाका प्रधानमन्त्रीले यस्तो प्रस्ताव अघि सारेका हुन् ।
सोमबार क्यानडाको संसद्मा पेस गरिएको यस विधेयकअनुसार मुलकमा हयान्डगन खरिद, बिक्री, हस्तान्तरण वा कतैबाट आयात गर्न असम्भव हुने भएको छ ।
ट्रुडोले पत्रकारहरूलाई भनेका छन्, “खेलकुदको निशानबाजी र शिकारका लागि बाहेक क्यानडामा कसैलाई नियमित जीवनमा बन्दुकको कुनै आवश्यकता नै छैन । बन्दुकको कारण निरन्तर हिंसा बढिरहेको हामीले देखिरहेका छौँ, त्यसैले यो कदम उठाउनु हाम्रो कर्तव्य हो ।”
यसअघि नै अन्य छिमेकी मुलुकका तुलनामा क्यानडामा बन्दुकसम्बन्धी नियम कानुन कडा थिए ।
BBC
मल्टिमिडिया ग्यालरी
Comments
