प्रधानमन्त्री पदको फूर्ति नलगाए हुन्छः नेपाल
२२ चैत, काठमाडौँ । नेपाल-खनाल समूहका नयाँ पदाधिकारी चयाँन, नेकपा एमालेका वरिष्ठ नेताद्वय माधवकुमार नेपाल र झलनाथ खनाल समूहले पर्सी मंगलबार बागमती प्रदेश कमिटीको पदाधिकारी घोषणा गर्ने भएको छ ।
२०४६ सालको जनआन्दोलन उत्कर्षमा पुगेको दिन पारेर चैत २४ गते बिहान ११ बजे सिद्धिगणेश पार्टी प्यालेस,बल्खुमा आयोजना गरिने कार्यक्रममा पदाधिकारी घोषणा गर्न लागिएको बताइएको छ ।
बामदेव गौतम र हामी एउटै ठाउँमा उभिदै छौंः माधवकुमार नेपाल
पूर्वप्रधानमन्त्री माधवकुमार नेपालले आफू र बामदेव गौतम एकै ठाउँमा उभिने खुलासा गरेका छन् । उनले गौतमसमेत एकै ठाउँमा उभिएपछि आफूहरु सशक्त हुने दाबी गरे ।
‘बामदेव गौतम र हामी एकै ठाउँमा उभिदैछौं,’
नेपालले आज राजधानीमा आयोजित भेलामा भने,‘हामी झन् बलियो हुनगइरहेका छौं ।’
बामदेव गौतमसमेत आएपछि आफूहरुको पक्षमा ९७ जना केन्द्रीय सदस्य रहने बताए । स्थायी कमिटीमा २२ मध्ये १२ जना आफूहरुको पक्षमा रहेको र पोलिटब्युरोमा ४४ मध्ये २४ जना पक्षमा रहेको दाबी गरे ।
आफूहरु संगठनका हिसाबले कमजोर नभएको बताए । प्रधानमन्त्री केपी शर्मा ओलीले जाल झेल गरेर नवौं महाधिवेशनमा अध्यक्षमा जित हासिल गरेको आरोप लगाए । उनले भने,‘प्रधानमन्त्री पदको फूर्ति नलगाए हुन्छ ।’