Nepal's No. 1 Digital News Portal, Business, Corporate, Tourism, Politics, Sports, Entertainment, digitalkhabar.com ...express media network

बैकंहरुको नाफा ४२ अर्ब नजिक

0 32

२२ चैत, काठमाडौँ । आर्थिक वर्ष २०७७/७८ को फागुनमा वाणिज्य बैङ्कहरूले साढे छ अर्ब नाफा थपे । कोरोना सङ्क्रमणबीच पनि बैङ्कहरूको नाफाको ग्राफ घट्नु परेको छैन । फागुन मसान्तसम्म करिब ४२ अर्ब नाफा आर्जन गर्दै वाणिज्य बैकंहरु सुरक्षित अवस्थामा छन् ।

नेपाल राष्ट्र बैङ्कका अनुसार हाल सञ्चालनमा रहेका २७ वटा वाणिज्य बैङ्कको नाफा फागुन महिनासम्म ४१ अर्ब ९५ करोड ९० लाख २० हजार रुपियाँ पुगेको छ । माघ महिनासम्म बैङ्कहरूको यस्तो नाफा ३५ अर्ब ९५ करोड ५६ लाख ८० हजार रुपियाँ रहेको थियो ।
चालू आर्थिक वर्षको फागुनमा सबैभन्दा धेरै नाफा कमाउनेको सूचीमा नबिल बैङ्क सबैभन्दा माथि छ ।

अघिल्लो महिना तेस्रो स्थानमा रहेको सो बैङ्कले फागुनमा तीन अर्ब १२ करोड ८८ लाख २० हजार खुद नाफा कमाएर पहिलो बनेको हो । अघिल्लो महिना नबिलभन्दा माथि रहेको ग्लोबल आईएमई बैङ्क दोस्रो स्थानमा आएको छ । सो बैङ्कले फागुनमा तीन अर्ब आठ करोड ९५ लाख २० हजार रुपियाँ खुद मुनाफा आर्जन गरेको तथ्याङ्क छ । दुई अर्ब ७८ करोड २१ लाख ३० हजार रुपियाँ नाफासहित एनआईसी एसिया तेस्रो स्थानमा छ ।

फागुनमा दुई अर्बमाथि नाफा गर्ने बैङ्कको सूचीमा एनआईसी एसियासहित प्राइम कमर्सियल, एनएमबी र नेपाल इन्भेस्टमेन्ट बैङ्क रहेका छन् ।
प्राइमले दुई अर्ब ४० करोड ४४ लाख रुपियाँ, एनएमबीले दुई अर्ब १९ करोड ८२ लाख ५० हजार तथा नेपाल इन्भेस्टमेन्ट बैङ्कले दुई अर्ब ४३ करोड छ लाख ४० हजार रुपियाँ मुनाफा आर्जन
गरेका छन् ।

यस्तै एक अर्बमाथि नाफा आर्जन गर्ने बैङ्कहरूमा नेपाल बैङ्क, सिद्धार्थ बैङ्क, प्रभु बैङ्क, मेगा बैङ्क, सानिमा बैङ्क, कृषि विकास बैङ्क, एभरेस्ट बैङ्क, माछापुछ«े बैङ्क, कुमारी बैङ्क, सिटिजन्स बैङ्क, लक्ष्मी बैङ्क, सनराइज बैङ्क, राष्ट्रिय वाणिज्य बैङ्क रहेको राष्ट्र बैङ्कले जनाएको छ ।
एक अर्बभन्दा तल नाफा रहेका बैङ्कहरूमा नेपाल क्रेडिट एन्ड कमर्स बैङ्क, हिमालयन बैङ्क, स्ट्यान्डर्ड चार्टर्ड बैङ्क, नेपाल एसबीआई बैङ्क, बैङ्क अफ काठमाण्डू, सेन्चुरी कमर्सियल बैङ्क, सिभिल बैङ्क र नेपाल बङ्गलादेश बैङ्क रहेका छन् ।

राष्ट्र बैङ्कका अनुसार नेपाल बैङ्कले एक अर्ब ९१ करोड ५४ लाख ६० हजार रुपियाँ, सिद्धार्थ बैङ्कले एक अर्ब ५९ करोड ९२ लाख ९० हजार, प्रभु बैङ्कले एक अर्ब ९८ करोड ७१ लाख ७० हजार रुपियाँ, मेगा बैङ्कले एक अर्ब ७७ करोड नौ लाख रुपियाँ, सानिमा बैङ्कको एक अर्ब ४७ करोड नौ लाख ४० हजार, कृषि विकास बैङ्कको एक अर्ब ६९ करोड ३२ लाख ९० हजार नाफा गरेका छन् ।

त्यस्तै एभरेस्ट बैङ्कले एक अर्ब ३० करोड ५१ लख ४० हजार, माछापुच्छे« बैङ्कले एक अर्ब चार करोड ५९ लाख ८० हजार, कुमारी बैङ्कले एक अर्ब ६४ करोड १० लाख ८० हजार रुपियाँ, सिटिजन्स बैङ्कले एक अर्ब १२ करोड ५५ लाख ९० हजार रुपियाँ, लक्ष्मी बैङ्कले एक अर्ब दुई करोड ८२ लाख, सनराइज बैङ्कको एक अर्ब १५ करोड ४० लाख ६० हजार र राष्ट्रिय वाणिज्य बैङ्कको एक अर्ब ८५ करोड दुई लाख २० हजार रुपियाँ रहेको राष्ट्र बैङ्कको तथ्याङ्क छ ।


- Advertisement -


मल्टिमिडिया ग्यालरी

Comments

comments

Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time
Leave A Reply

Your email address will not be published.