Nepal's No. 1 Digital News Portal, Business, Corporate, Tourism, Politics, Sports, Entertainment, digitalkhabar.com ...express media network

प्रधान्यायाधीशको पिएसओ बनेर दियोपोस्टलाई धम्की दिने मिरा खड्काको पिएसओ भएकाे खुलासा (अडियोसहित)

0 342

१९ चैत्त, काठमाडौं । प्रधानन्यायाधीश चालेन्द्र शम्शेर जबराको पिएसओ हुँ भन्दै दियोपोस्ट डटकमका प्रधानसम्पादक सुदीप विश्वकर्मालाई हत्कडी लगाउने धम्की दिने व्यक्तिको तस्विर फेला परेको छ ।

भिडियाे स्राेतः दियाेपाेष्टबाट साभार


समाचार नलेख्न भन्दै धम्की दिने व्यक्ति सर्वोच्च अदालतकै तेस्रो बरियतामा रहेकी बरिष्ठ न्यायाधीश मिरा खड्काको पिएसओ असई बुद्धि बहादुर स्याङतेन रहेको पाइएको छ । आफूलाई जबराको पिएसओ बताउने ललितपुरको कोन्ज्योसोम गाउँपालिका ४ नल्लु घर भएका बुद्धि स्याङ्तान जबराको पिएसओ भने नभएको पाइएको हो ।

जिल्ला मालपोत कार्यालयका कर्मचारी गुरु भट्टको मोबाइल नम्बरबाट दियोपोस्टको प्रधानसम्पादक सुदिप विश्वकर्माको नम्बरमा फोन गरेर स्याङ्तानले आफू प्रधानन्यायाधीश जबराको पिएसओ भएको र आफू हतकडी लिएर दियोपोस्टको कार्यालयमा आउने बताएका थिए ।

दियोपोस्टले कोन्ज्योसोम गाउँपालिका ४ का वडाध्यक्ष तिर्थ बहादुर घलानको मिलेमतोमा ७० वर्षिय विरे भनिने विरबहादुर स्याङतानको ३ रोपनी २ आना जग्गा जग्गाधनीलाई थाहा नै नदिई अर्कै व्यक्तिको नाममा नामसारी गरिदिएको विषयमा समाचार प्रकाशन गरेको थियो ।

समाचार प्रकाशन भएपछि हतारहतार नल्लुस्थित जग्गा नामसारी पाउने गिरोहलाई भेट्न पुगेका जिल्ला मालपोत कार्यालय ललितपुरका कर्मचारी गुरु भट्टले आफ्नो मोबाइल नम्बर ९८४१२७५४२७ बाट दियोपोस्टको प्रधानसम्पादक विश्वकर्माको नम्बरमा फोन गरेका थिए ।

‘तपाईंलाई कसले भन्यो । यहाँ सबै जनाले होइन भनिरहेका छन् । ल जग्गाधनीसँग फोन गर्नुस्’ भन्दै उनले प्रधानन्यायाधीशका पिएसओ बताउने स्याङ्तानलाई फोन दिएका थिए । ‘म नल्लुको बासिन्दा हुँ । म यो जग्गाको धनी हुँ । तपाईंलाई मिडियामा खबर दिने को मान्छे हो ? त्यो भन्नुपर्यो । मिडियाले जे पायो त्यही छाप्न पाइन्छ ? यो के मिडिया हो ? तपाईंले मलाई चिन्नु हुन्छ होला । मेरो परिचय तपाईंलाई बताउनु पर्यो,’ स्याङ्तानले धम्की दिँदै भनेका थिए,‘तपाईंलाई म हत्कडी लिएर आउँ भोली ? तपाईंले जे पायो त्यही छाप्न पाइन्छ ? म पुलिस हो । म प्रधानन्यायाधीशको पिएसओ हो । भोली म हतकडी लिएर आउँछु ।

तपाईंको ठेगाना कहाँ हो ?’
उनले पटक पटक समाचार कसले दियो भन्दै धम्की दिएका थिए । ‘यो न्युज कसले दियो । हामी यहाँ सल्लाहा गर्दैछौँ । तपाईंले न्युज नछाप्नुस्,’ उनले धम्कीपूर्वक भनेका छन्,‘यो अफिस कहाँ हो । म भोली आउँछु ।’

उनले विहिबार विहानै दियोपोस्टको सम्पर्क नम्बरमा फोन गरेर आफ्नो विषयमा समाचार कसले दिएको भन्दै पटक पटक समाचारको स्रोत पत्ता लगाउने प्रयास समेत गरेका छन् ।


‘हामी यता मिलाउने कोशिस गर्दा गर्दै समाचार छाप्न पाइँदैन,’ स्याङ्तानले भने,‘समाचार कसले दियो भनिदिनुस् ।’ स्राेतः दियाेपाेष्टबाट साभार


- Advertisement -


मल्टिमिडिया ग्यालरी

Comments

comments

Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time
Leave A Reply

Your email address will not be published.