Advertisement
१३ चैत, बाग्लुङ । हाम्रो समाजमा यस्ता कंलित पात्र पनि छन्, जसले सुन्दा पनि शरीर नै सिरिङ्ग हुने खालका कुकर्म गर्न पछि पर्दैनन् । तिनै कुकर्मीको पात्र मध्येका एक हुन् बाग्लुङका एक बृद्ध, जसको उमेर अन्दाजी ६५ बर्षको भयो ।
रेसुङ्गा नगरपालिका वडा नम्वर ८ को बुढीचौर गाउँमा बस्दै आएका (नाम गोप्य राखिए) अन्दाजी ६५ बर्र्षीय बृद्धले आफ्नै १४ बर्षीया छोरीलाई गर्भधारण गराएको घटना आज (शुक्रबार) दिउँसो प्रहरीले सार्वजनिक गरेको हो ।
सदरमुकाम तम्घासबाट करिब १५ मिनेट पैदल हिडेर पुगिने उक्त बुढीचौर गाउँमा आफ्नै बाबुद्धारा किशोरी पटक–पटक बलात्कृत हुँदा पनि आफ्नै परिवार र छिमेकीबाट गुहार नपाएर बसेको यो घटनाले छोरीहरु कति असुरक्षित छन् ? प्रष्ट हुन्छ ।
जिल्ला प्रहरी प्रवक्ता डीएसपी पुर्षोत्तम प्रसाद पाण्डेले पीडित किशोरीकी आमाको जाहेरी हिजो विहीबार परेपनि निज बाबु बाग्लुङ्ग पुगेका थिए । तर, सूचनाको आधारमा त्यहाँबाट पक्राउ गरी जिल्ला प्रहरी कार्यालयको नियन्त्रणमा राखेर उनलाई आजै अदालतमा म्याद गर्न लागिएको जानकारी दिए ।
‘प्रहरीलाई जाहेरी हिजो आएको हो । निज बाबु बाग्लुङ्ग पुगेका रहेछन् । उनलाई बाग्लुङ्गबाटै नियन्त्रणमा लिएर अहिले भर्खर म्याद थप गर्नका लागि जिल्ला अदालत पठाएका छौं । यति बेला सायद म्याद थप पनि भइसकेको होला ।’
डीएसपी पाण्डेले उमेर यकिन भइनसके पनि पीडित किशोरीकी आमाका अनुसार बाबुको उमेर अन्दाजी ६५ बर्षीय रहेको पाइएको छ । पटक–पटक आफ्नै छोरीलाई बलात्कार गरेर करिब २० हप्ताको छोरीको पेटमा गर्भ रहेको पनि उनले बताएकी छन् ।
छिमेकीका अनुसार भर्खर १३ पुगेर १४ बर्षको उमेरमा पाइला टेकेकी छोरीलाई बाबुले कुट्ने मार्ने धम्की दिदै आएका थिए । रेसुङ्गा नगरपालिका वडा नम्वर ८ का वडाध्यक्ष भरत भलामीले ती ब्यक्ति विगत १५÷१६ बर्ष देखि बाग्लुङ्गको निसीखोला गाउँपालिका वडा नम्वर ६ बाट आएर बुढीचौरमा धामी काम गर्दै बसेका थिए ।
वडाअध्यक्ष भलामी भन्छन्, ‘परिवारलाई छोरी गर्भधारण गराएको कुरा बाहिर ल्याए कुट्ने, मार्ने धम्की दिदै निकै दमन गरेर राखेका रहेछन् । कक्षा ६ मा पढ्ने उनका बारेमा विद्यालयले यो कुरा बाहिर ल्याएपछि मैले सोधपुछ गर्दा यो कुरा खुलेको हो ।’
Comments
