३१ सय ८ जना संक्रमित थपिदा १५ सय ९५ जना डिस्चार्ज, २५ को मृत्यु
०५ साउन, काठमाडौं । पछिल्लो २४ घन्टामा १५ सय ९५ जना कोरोनामुक्त भएका छन्। यो सहित नेपालमा कोरोनाबाट निको हुनेको संख्या ६ लाख ३४ हजार ९२७ पुगेको स्वास्थ्य तथा जनसंख्या मन्त्रालयले जनाएको छ।
मन्त्रालयका अनुसार मंगलबार ३१ सय ८ जनामा कोरोना भाइरस संक्रमण पुष्टि भएको छ। विभिन्न प्रयोगशालामा १३ हजार १३५ नमूनाको परीक्षण भएको थियो। जसमा ८८ सय ३६ नमूनाको पीसीआरबाट र ४२ सय ९९ नमूनाको एन्टिजेन विधिबाट परीक्षण गराउँदा ३१ सय ८ जनामा संक्रमण देखिएको हो।
यस्तै पछिल्लो २४ घन्टामा कोरोनाबाट २५ जनाको मृत्यु भएको छ। यो सहित नेपालमा कोरोनाबाट मृत्यु हुनेको संख्या ९ हजार ६०७ पुगेको छ।