Nepal's No. 1 Digital News Portal, Business, Corporate, Tourism, Politics, Sports, Entertainment, digitalkhabar.com ...express media network

माइक्रोसफ्टलाई दिईएको १० अर्ब डलरको विवादास्पद परियोजना अमेरिकी सरकारद्धारा खारेज

0 116

२३ असार, एजेन्सी । अमेरिकी रक्षा विभागले मंगलबार आफ्नो १० अर्ब डलरको जेडीआई क्लाउड कम्प्युटिङ्ग परियोजना रद्द गरेको छ र नयाँ करारमा बोलपत्र खोल्ने बताएको छ ।

विभागको आवश्यकताहरू पूरा गर्न त्यस्तो प्रविधि प्रदायकहरूको रुपमा टेक दिग्गज कम्पनीहरु माइक्रोसफ्ट कर्प र अमेजन डट कम मात्र भएको बताएको छ।

हाल रद्द गरिएको ज्वाइन्ट इन्टरप्राइज डिफेन्स इन्फ्रास्ट्रक्चर क्लाउड (जेईडीआई) को सम्झौता १० अर्ब डलरको बजेटसहितको थियो र पेन्टागनको टेक्नोलोजीलाई फुर्तिलो बनाउने बृहत्तर डिजिटल आधुनिकीकरणको हिस्सा थियो।

यो सम्झौता २०१९ मा माइक्रोसफ्टलाई प्रदान गरिएको थियो, तर अमेजनले तुरुन्तै आपत्ति जनाउँदै मुद्दा दायर गरेको थियो। प्रोजेक्ट जित्न फ्रन्ट रनरको रूपमा देखिने अमेजनले यो सम्झौता प्रक्रियामा पूर्व राष्ट्रपति डोनाल्ड ट्रम्पको अनावश्यक प्रभाव झल्काएको तर्क गरेको थियो।

राष्ट्रपतिको रूपमा, ट्रम्पले त्यसबेला अमेजनका सीईओ जेफ बेजोसलाई सार्वजनिक रूपमा अपमान गरेका थिए र कम्पनीको बारम्बार आलोचना गरेका थिए।

जेडीआई सम्झौता रद्द गर्नुका साथै विभागले मल्टि-क्लाउड, मल्टि-भेण्डर कार्यक्रमको रूपमा वर्णन गर्दै नयाँ बिडिंग प्रक्रियामा जाने बतायो।

‘विभागले सीमित संख्याका माइक्रोसफ्ट कर्पोरेशन र अमेजन वेब सर्विसेजबाट प्रस्ताव खोज्न चाहन्छ, किनभने उपलब्ध बजार अनुसन्धानले यी दुई विक्रेताहरू मात्र विभागको आवश्यकताहरु पुरा गर्न क्लाउड सेवा प्रदायकहरूको रुपमा योग्य र सक्षम छन् भनेर संकेत गर्दछ,’ विभागले भन्याे ।


- Advertisement -


मल्टिमिडिया ग्यालरी

Comments

comments

Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time
Leave A Reply

Your email address will not be published.