१२ असोज, काठमाडाैँ । स्थानीय बजारमा बिक्रीमा दबाब कायम रहेका बेला ग्राहकलाई आकर्षित गर्ने उद्देश्यले टेस्लाले चीनमा अक्टोबरको अन्त्यसम्म गरिने अर्डरहरूका लागि सीमित अवधिको नयाँ छुट तथा सुविधा योजना सार्वजनिक गरेको छ।
टेस्लाले शुक्रबार ‘वेइबो’ मार्फत जानकारी दिएअनुसार, अक्टोबर ३१ वा सोभन्दा अघि अर्डर गर्ने ग्राहकले ‘मोडल ३’ का कुनै पनि भेरियन्टको अन्तिम भुक्तानीमा ५,००० युआन (७४० अमेरिकी डलर) वा ‘मोडल वाई’ का छानिएका भेरियन्टहरूमा ७,००० युआन (१,०४० अमेरिकी डलर) सम्मको छुट प्राप्त गर्न सक्नेछन्।
यस प्रवर्द्धनात्मक योजनामा ५ वर्षसम्मको ब्याजमुक्त फाइनान्सिङ सुविधा, सीमित अवधिका लागि ८,००० युआन बराबरको ‘पेन्ट अप्सन’ (रङ छनोट) सुविधा र ३ प्रकारका चार्जिङ सुविधाहरूमध्ये कुनै एक रोज्ने अवसर पनि समावेश छन्। यस सुविधाको उपलब्धता सम्बन्धित भेरियन्ट र योजनाका सर्तहरूमा निर्भर हुने सीएनइभीपोस्टले रिपोर्ट गरेको छ।
मोडल ३ को ‘रियर-ह्विल ड्राइभ’, ‘लङ रेन्ज रियर-ह्विल ड्राइभ’ र ‘लङ रेन्ज अल-ह्विल ड्राइभ’ भेरियन्टहरू पनि ८,००० युआनको बीमा अनुदानका लागि योग्य छन्। ‘परफर्मेन्स अल-ह्विल ड्राइभ’ भेरियन्ट भने यो अनुदानबाट बाहिर राखिएको छ।
आधिकारिक प्रचार-प्रसार सामग्रीहरूका अनुसार, अन्तिम भुक्तानीमा पाइने छुट र बीमा अनुदानपछि ‘मोडल ३’ को मूल्य २,२२,५०० युआनबाट सुरु हुन्छ। त्यस्तै, अन्तिम भुक्तानीमा पाइने छुटपछि ‘मोडल वाई’ को मूल्य २,५६,५०० युआनबाट सुरु हुन्छ।
टेस्लाको चिनियाँ वेबसाइटमा यी दुई मोडलका लागि क्रमशः २,३५,५०० युआन र २,६३,५०० युआनको आधारभूत सुरुवाती मूल्य नै राखिएको छ, जसमा सीमित अवधिको छुट र अन्य सुविधाहरू सहितको प्रवर्द्धनात्मक योजना समावेश छ।
कम्पनीका अनुसार, ७९,९०० युआनको ‘डाउन पेमेन्ट’ (अग्रिम भुक्तानी) पछि, लागू हुने छुट तथा सुविधाहरू घटाएर मासिक किस्ता रकम ‘मोडल ३’ का लागि करिब २,३७७ युआन र ‘मोडल वाई’ का लागि २,९४४ युआनबाट सुरु हुन्छ। वित्तीय सुविधा (फाइनान्सिङ) ऋण प्रदायकको स्वीकृतिमा निर्भर हुने बताईएको छ।
+ There are no comments
Add yours