२० औं वार्षिकोत्सवको आईफोनमा सोलिड–स्टेट बटन्स हुनेः टिपस्टर

२४ बैशाख, काठमाडौँ । चिनियाँ टिपस्टर इन्स्ट्यान्ट डिजिटलको नयाँ रिपोर्टले क्युपर्टिनोले हाल आफ्नो आगामी २० औं वार्षिकोत्सवको आईफोन मोडेलको लागि सोलिड–स्टेट बटन्सको परीक्षण गरिरहेको सुझाव दिएको छ। त्यसैगरी केही वर्ष अघि एप्पलले आफ्नो आईफोन १५ प्रो सिरिजको लागि सोलिड–स्टेट बटन्स विकास गरिरहेको हल्ला चलेको थियो।

एप्पलले अर्को वर्ष विशेष वार्षिकोत्सव संस्करणको आईफोन लन्च गर्ने अपेक्षा गरिएको छ र त्यसमा डिभाइसको साइडसँग ब्लेण्ड हुने क्वाड–कर्भ स्क्रिन हुनेछ। नयाँ रिपोर्टले एप्पलले पहिले नै सोलिड–स्टेट बटन्सको परीक्षण गरिसकेको र त्यसले डिभाइसको अल–ग्लास लुकलाई थप साथ दिने सुझाव दिएको छ।

नयाँ रिपोर्ट अनुसार, सोलिड–स्टेट बटन्सले प्रयोगकर्ताहरूले पन्जा लगाउने, भिजेको हातले बटनहरू थिच्ने र अत्यधिक तापक्रम अवस्थाहरूमा प्रयोग गर्ने जस्ता कठोर परीक्षणको परिदृश्यहरू पार गरेको छ। साथै पोस्टले नयाँ बटनहरू समर्पित लो–पावर चिपद्वारा संचालित हुने र त्यसले प्रेसहरू दर्ता गर्नुका साथै फोन पूर्ण रूपमा बन्द हुँदा पनि ह्याप्टिक फिडब्याक प्रदान गर्ने उल्लेख गरेको छ।

सोलिड–स्टेट बटनहरूको अतिरिक्त २० औं वार्षिकोत्सवको आईफोनले डुअल–लेयर ओएलईडी डिस्प्ले, अर्थात् ट्यान्डम ओएलईडी भित्र अन्डर–डिस्प्ले फेस आईडी र सेल्फी क्यामरा क्षमताहरू प्रस्तुत गर्ने बताइएको छ। डिभायसको डिस्प्ले (र साइडहरू) मा अर्को पुस्ताको सिरेमिक शिल्ड सुरक्षा रहने बताइएको छ र त्यसले सुधारिएको स्क्र्याच प्रतिरोध प्रदान गर्नेछ।

त्यसैगरी डिभाइसमा सबै अघिल्ला आईफोनहरूमा जस्तै भौतिक इयरपिस नहुने भए तापनि “अन्डर–डिस्प्ले ध्वनि” भने समावेश गरिने बताइएको छ। साथै यो पिक्सेल ५ र एलजी जी८ अन्डर–डिस्प्ले इयर स्पिकरहरू जस्तै काम गर्ने अनुमान गरिएको छ।

डिस्प्ले र सोलिड–स्टेट बटनहरू बाहेक, अर्को पुस्ताको आईफोनले ६,०००एमएएच ब्याट्री समावेश गर्ने अपेक्षा गरिएको जीएसएमएरिनाले रिपोर्ट गरेको छ।