एपस्टीनसँग सम्बन्ध रहेको तर कुनै अपराधमा नरहेको बिल गेट्सको दाबी

१४ फागुन, काठमाडौँ । बिल गेट्सले जेफ्री एपस्टिनसँग सम्बन्ध गरेर ‘ठुलो गल्ती’ गरेको स्वीकार गरेका छन् ।

उनले आफ्नो ‘परोपकारी सङ्गठन’ कर्मचारीहरूसँग भने, “उनको दुई रुसी महिलाहरूसँग सम्बन्ध रहेको भए पनि उनी ती बदनाम वित्तकर्मीको अपराधमा संलग्न थिएनन्।”

दोषी यौन अपराधी एपस्टीनसँग घनिष्ठ मित्रता, अवैध वित्तीय लेनदेन र निजी फोटो भेटिएका माइक्रोसफ्टका सह–संस्थापक अमेरिकी न्याय विभागले जारी गरेको कागजातहरूमा देखा परेका प्रमुख नामहरूको सूचीमध्ये एक हुन् ।

मङ्गलबार गेट्स फाउन्डेसनका कर्मचारीहरूसँग टाउन हलमा गेट्सले एपस्टीनसँगको उनको सम्बन्धले उनको परोपकारी सङ्गठनको कामलाई असर पारेकोमा खेद व्यक्त गरेको वाल स्ट्रिट जर्नलले पुष्टि गरेको छ।

“एपस्टीनसँग ‘समय बिताउनु ठुलो गल्ती’ थियो र गेट्स फाउन्डेसनका अधिकारीहरूलाई एपस्टीनसँग बैठकमा ल्याउनु पनि ठुलो गल्ती थियो,” उनले भने ।

“मैले गरेको गल्तीको कारण यसमा तानिएका अन्य व्यक्तिहरूसँग म माफी माग्छु,” उनले भने ।

न्याय विभागले जारी गरेको कागजातमध्ये एक मस्यौदा इमेलमा एपस्टीनले गेट्सलाई विवाहेत्तर सम्बन्धमा संलग्न भएको आरोप लगाएका छन् र जसमा भनिएको छ, “गेट्ससँगको उहाँको सम्बन्ध ‘बिललाई ड्रग्स प्राप्त गर्न मद्दत गर्ने, रुसी केटीहरूसँग यौन सम्बन्धको परिणामको सामना गर्न, विवाहित महिलाहरूसँग उहाँको अवैध प्रयासलाई सहज बनाउनसम्म’ थियो।”

मैले केही पनि अवैध देखेको छैन

टाउन हलमा दुई घटनालाई स्वीकार गर्दै ७० वर्षीय बिल गेट्सले भने, “मेरो एक रुसी ब्रिज प्लेयरसँग सम्पर्क थियो, जसले मलाई ब्रिज कार्यक्रमहरूमा भेटेका थिए । त्यसैगरी अर्को रुसी परमाणु भौतिकशास्त्रीसँग मैले व्यापारिक गतिविधिहरूको माध्यमबाट भेटेको थिएँ ।”

उनले एपस्टीनका पीडितहरूसँग कुनै संलग्नता अस्वीकार गरे, जसको कम उमेरका केटीहरूको यौन तस्करीको मुद्दाको पर्खाइमा सन् २०१९ मा न्यूयोर्कको जेलको कोठरीमा मृत्यु भएको थियो ।

“मैले कुनै अवैध काम गरेको थिइन । मैले केही पनि अवैध सम्बन्ध थाहा पाएको थिइन,” गेट्सले टाउन हलका सहभागीसँग भने ।

विशाल प्रविधि उद्यमी गेट्सले भने, “एपस्टीनसँग मेरो सम्बन्ध उनले वेश्यावृत्तिको लागि एक नाबालिगलाई आग्रह गरेको तीन वर्ष पछि सन २०११ मा सुरु भएको थियो ।

एपस्टीनको यात्रामा प्रतिबन्ध लगाउने ‘१८ महिनाको बिषय’ को बारेमा थाहा भएको तर उनको पृष्ठभूमि जाँच नगरेको गेट्सले बताए ।

उनले भने, “उनकी तत्कालीन पत्नी मेलिन्डाले सन् २०१३ मा एपस्टीनको बारेमा चिन्ता व्यक्त गरेकी थिइन् तर उनले कम्तिमा अर्को वर्षसम्म सम्बन्ध जारी राखिन् ।”

गेट्सले संस्थाका कर्मचारीसँग भने, “मैले अहिले के थाहा पाएको छु भन्ने कुरा तपाइहरूलाई पनि थाहा छ, विगतमा उहाँको अपराधको सन्दर्भ अपराध मात्र नभएर सय गुणा खराब व्यवहार हो।”

गेट्स फाउन्डेसनले भनेको छ, “गेट्सले एपस्टीन मुद्दा र अन्य मुद्दाहरूलाई संस्थाको अन्य विषयमा यसको निर्धारित अर्धवार्षिक कार्यक्रममा सम्बोधन गर्नुभएको थियो ।”

“बिल गेट्सले बैठकमा धेरै प्रश्नहरूको विस्तृत जवाफ दिँदै स्पष्ट रूपमा बोल्नुभएको थियो र आफ्नो कार्यको जिम्मेवारी लिनुभएको थियो,” संस्थाले एएफपीलाई दिइएको विज्ञप्तिमा भनिएको छ ।