आगजनीमा परेसँगै अनलाइन पोर्टल इकान्तिपुर बन्द

२५ भदौ, काठमाडौं । प्रदर्शनकारीहरूको आगजनीका कारण कान्तिपुर दैनिकको अनलाइन पोर्टल इकान्तिपुर बन्द भएको छ ।

प्रदर्शनकारीहरुले थापाथलीस्थित कान्तिपुर दैनिक रहेको भवनको पहिलो, आठौ र नवौं तलामा क्षति पुर्‍याएका छन् ।

आगजनीका कारण सातौं तलामा रहेको सर्वरमा क्षति पुगेकाले इकान्तिपुरको पोर्टल डाउन भएको त्यहाँ कार्यरत एक पत्रकारले बताए ।

उक्त भवनको माथिल्लो तलामा रहेको क्यान्टिन लगायत आगजनीले ध्वस्त भएको छ ।