सिन्धुलीमा कारको ठक्करबाट बालकको मृत्यु

३० वैशाख, काठमाडौं । सिन्धुलीको दुधौली नगरपालिका–८ खोरभञ्ज्याङ स्थित मदन भण्डारी राजमार्गमा कारले ठक्कर दिँदा एक बालकको मृत्यु भएको छ ।

उदयपुरको कटारीबाट सिन्धुलीको डकाहातर्फ जाँदै गरेको बीएबी ०१८८ नम्बरको ल्यान्ड क्रुजर कारले खोरभञ्ज्याङमा अन्दाजी १० वर्षीय बालक मन्देश सदालाई ठक्कर दिएको थियो ।

कारको ठक्करबाट गम्भीर घाइते भएका उनलाई उपचारका लागि दुधौली नगर अस्पताल सिर्थौली लगिएको थियो । उनको उपचारकै क्रममा मृत्यु भएको हो ।

कार र चालकलाई प्रहरीले नियन्त्रणमा लिएको छ ।