Advertisement
१४ बैशाख, काठमाडौं । नेपालमा पछिल्लो २४ घण्टामा थप ४३ सय ६४ जनामा कोरोना संक्रमण पुष्टि भएको छ । पछिल्लो चौबीस घण्टामा १४ हजार ६७२ जनाको आरटीपीसीआर परीक्षण गरिएकोमा चार हजार ३६४ जनामा भाइरसको संक्रमण पुष्टि भएको हो ।
पछिल्लो चौबीस घण्टामा एक हजार नौ जनाको एन्टीजेन परीक्षण गरिएकोमा १६० मा पोजिटिभ पाइएको छ ।
स्वास्थ्य तथा जनसंख्या मन्त्रालयका अनुसार नेपालमा कोभिड १९का पछिल्लो चौबीस घण्टामा थपिएका संक्रमणसँगै नेपालमा कोरोनाका कुल संक्रमीतको संख्या तीन लाख सात हजार ९२५ पुगेको छ ।
हाल २६ हजार २२५ जनामा भाइरसको संक्रमण सक्रिय रहेको मन्त्रालयले उल्लेख गरेको छ ।
मन्त्रालयका अनुसार पछिल्लो चौबीस घण्टामा ५५५ जना सङ्क्रमित निको भएका छन् ।
हालसम्म नेपालमा दुई लाख ७८ हजार ५०६ जना संक्रमीत कोरोनामुक्त भएका छन् ।
मन्त्रालयले पछिल्लो चौबीस घण्टामा १८ जना संक्रमीतको मृत्यु भएको उल्लेख गरेको छ । कोरोना संक्रमणबाट नेपालमा हालसम्म तीन हजार १९४ जनाको मृत्यु भएको हो ।
काठमाडौँ उपत्यकामा करिब दुई हजार कोरोना संक्रमित थपिए
काठमाडौँ उपत्यकामा आज १९६६ र कोरोना संक्रमित थपिएका छन् । स्वास्थ्य तथा जनसंख्या मन्त्रालयका अनुसार काठमाडौं उपत्यकामा १९६६ जनामा कोरोना संक्रमण पुष्टि भएको छ ।
काठमाडौँमा १६०२, ललितपुरमा २४० र भक्तपुरमा १२४ जना कोरोना संक्रमित भेटिएका स्वास्थ्य मन्त्रालयले जनाएको छ ।
पछिल्लो २४ घण्टामा ४५२४ जनामा कोरोना संक्रमण पुष्टि भएको छ। यससँगै कोरोना संक्रमितको कुल संख्या ३ लाख ७ हजार ९२५ पुगेको छ ।
यो पनि पढ्नुहोस्:
Comments
