फ्रान्सेली अभिनेत्री र गायिका ब्रिजिट बार्डोटको निधन

१३ पुस, काठमाडौँ । फ्रान्सेली अभिनेत्री र गायिका ब्रिजिट बार्डोटको निधन भएको छ ।

उनी ९१ वर्षकी थिइन् । उनको मृत्युको खबर फ्रान्सेली मिडियाले डिसेम्बर २८ मा घोषणा गरेको थियो ।

अभिनेत्री बार्डोटको फाउन्डेसनले उनको बिरामी स्वास्थ्य अवस्थासम्बन्धी रिपोर्ट झूटा भएको बताएको एक महिनापछि उनको मृत्यु भएको हो । अक्टोबरमा बार्डोटको सानो शल्यक्रिया गरिएको थियो ।

आफ्नो करियरभरि अभिनेत्रीले रोजर वादिम र जिन लुक गोडार्ड जस्ता अग्रगामी फ्रान्सेली निर्देशकहरूसँग काम गरेर प्रशंसा कमाएकी थिइन् ।

उनले धेरै एल्बमहरूमा गीत पनि गाइन् । यी गीतहरूमा विशेष गरी सर्ज गेन्सबर्गसँग सहकार्य गरिएको थियो । जीवनका पछिल्ला वर्षहरूमा भने उनी पशु अधिकारको क्षेत्रमा सक्रिय रहेकी थिइन् ।

जीवनका पछिल्ला वर्षहरूमा बार्डोटले आफ्नो परोपकारी संस्था ‘ब्रिजिट बार्डोट’ फाउन्डेसन मार्फत पशु कल्याणमा आफूलाई समर्पित गरेकी थिइन् ।

धेरै पटक जातीय र आपत्तिजनक सार्वजनिक टिप्पणीहरू गरेर उनी विवादमा पनि मुछिइन् । सन् २००४ को एक पुस्तकमा उनले समलिङ्गी मानिसहरूलाई ‘फेयर ग्राउन्ड फ्रिक’ भनेपछि विवादित बनेकी थिइन् ।

सन् १९९७ देखि २००८ सम्म उनलाई जातीय घृणा भड्काएको आरोपमा पाँच पटक अदालत लगिएको थियो ।