ब्स्क्रिप्शन सेवा परीक्षण गर्दै ह्वाट्सएप

०९ बैशाख, काठमाडौँ । गत मार्च महिनाको सुरुमा व्हाट्सएपले सदस्यता सेवा लन्च गर्ने कुरा बाहिर आएको थियो र अब यो वास्तविक भएको पुष्टि भएको छ। व्हाट्सएपले आधिकारिक रूपमा व्हाट्सएप प्लसको परीक्षण गरिरहेको छ।

यो सेवाको लागत युरोपमा प्रति महिना २.४९ यूरो, पाकिस्तानमा प्रति महिना २२९ पाकिस्तानी रुपैयाँ र मेक्सिकोमा प्रति महिना २९ मेक्सिकन पेसो पर्नेछ।

सदस्यता लिइएको खण्डमा विशेष प्रिमियम स्टिकरहरूमा पहुँच पाइनेछ भने १८ रङहरू मध्येबाट छनौट गरेर आफ्नो एप थिम परिवर्तन गर्ने क्षमता पनि पाइनेछ र व्हाट्सएपको लागि कस्टम आइकन पनि छनौट गर्न सकिनेछ। यो फोनको होम स्क्रिन र त्यसको एप ड्रअरमा देखिने जीएसएमएरिनाले रिपोर्ट गरेको छ।

सहज एक्सेस (पहुँच) को लागि व्हाट्सएप प्लसको साथ अब २० ओटा च्याटहरू पिन गर्न सकिनेछ (यो सदस्य नभएको खण्डमा प्राप्त गरिने ३ को सीमाबाट माथि छ)।

यसबाहेक प्रयोकर्ताले १० विशेष प्रिमियम रिङ्गटोनहरूमा पहुँच पाउनेछन् भने प्रयोकर्ताले विशेष कस्टम लीस्टमा थप गरिएका धेरै च्याटहरू र समूहहरूमा थोकमा केही सेटिङहरू लागू गर्न सक्नेछन्।

उदाहरणका लागि, प्रयोकर्ताले एउटा विशेष सूची भित्रका सबै कुराकानीहरूमा लागू गर्नको लागि थिम सेट गर्न सक्नेछन् र प्रयोकर्ताले त्यो सूचीमा नयाँ कुराकानी थप गरेको खण्डमा थिम स्वचालित रूपमा त्यसमा पनि लागू हुनेछ।

ह्वाट्सएप प्लस अझै परीक्षणमा रहेको हुनाले यो हाल सीमित संख्यामा प्रयोगकर्ताहरूको लागि मात्र उपलब्ध गराइएको छ। ह्वाट्सएपले निस्सन्देह चाँडै यो सेवाको पहुँच विस्तार गर्नेछ।

सशुल्क योजना हाल एन्ड्रोइडमा केन्द्रित देखिन्छ भने आईओएसको लागि व्हाट्सएपको लागि समर्थन पछिको लागि योजनाबद्ध गरिएको छ। साथै इन्ड–टु–इन्ड इन्क्रिप्सन सहित सबै आधारभूत व्हाट्सएप सुविधाहरू निःशुल्क रहने छन्। व्हाट्सएपले कुनै पनि मुख्य सुविधाहरू नहटाएको र तिनीहरूलाई सशुल्क योजनामा थप नगर्नुका साथै सबै प्लस सुविधाहरू नयाँ भएको बताइएको छ।