थप घट्यो काठमाडौँ उपत्यकाको न्यूनतम तापक्रम

०५ मंसिर, काठमाडौँ । काठमाडौँ उपत्यकाको न्यूनतम तापक्रम थप घटेको छ।

शुक्रबार ८.७ डिग्री सेल्सियस रहेको काठमाडौँ उपत्यकाको न्यूनतम तापक्रम आज (शनिबार) अरू तल गएको हो। 

नेपाल मौसम विज्ञान विभागको मौसम पूर्वानुमान महाशाखाका मौसमविद् बिनु महर्जनका आज बिहान ५:४५  बजेको प्रारम्भिक मापनमा काठमाडौँ उपत्यकाको न्यूनतम तापक्रम ८.३ डिग्री सेल्सियस देखिएको हो। 

आजको वास्तविक एवं आधिकारिक न्यूनतम तापक्रम भने अहिले बिहान ८:४५ बजे मापन गरिने उनले बताइन्।

त्यतिबेलासम्म काठमाडौँ उपत्यकाको न्यूनतम तापक्रम थप थोरै घट्ने सम्भावना हुन्छ। यद्यपि कहिलेकाहीँ सुरुवातकै कायम रहन पनि सक्छ। 

यसअघि बिहीबार काठमाडौँ उपत्यकाको न्यूनतम तापक्रम ९ डिग्री सेल्सियस थियो। 

मौसमविद्का अनुसार राति आकाश बादलले ढाक्दा बिहान न्यूनतम तापक्रम बढ्छ भने रातभर आकाश खुला रहँदा घट्छ।   

मौसम पूर्वानुमान महाशाखाले हरेक दिन काठमाडौँ उपत्यकासहित देशका विभिन्न स्थानका न्यूनतम र अधिकतम तापक्रम मापन गर्छ।

न्यूनतम बिहान ८:४५ बजे र अधिकतम तापक्रम साँझ ५:४५ बजे मापन गरिन्छ।  

मौसमविद्का अनुसार न्यूनतम (मिनिमम) तापक्रमले रातिदेखि बिहानसम्मको तापक्रम बताउँछ भने अधिकतम (म्याक्सिमम) तापक्रमले दिनभरको तापक्रमको अवस्था जनाउँछ। 

हाल दिनप्रतिदिन देशभर तापक्रम घट्दो र चिसो बढ्दो छ। 

शुक्रबार यस्तो थियो देशभरको तापक्रम विवरण

आजको मौसम

अहिले बिहान तराई, उपत्यका तथा खोचका थोरै स्थानमा हुस्सु/कुहिरो लागेको छ। 

मौसम महाशाखाका अनुसार दिउँसो लुम्बिनी, कर्णाली र सुदूरपश्चिम प्रदेशका सबै क्षेत्रमा साथै देशको हिमाली क्षेत्रमा आंशिक बादल लाग्नेछ। कोसी प्रदेशको तराई  क्षेत्रमा तथा मधेस प्रदेशमा आंशिक बादल लाग्नेछ। बाँकी क्षेत्रमा मौसम मुख्यतया सफा रहनेछ।

यस्तै राति कोसी प्रदेशको तराई क्षेत्रलगायत कर्णाली र सुदूरपश्चिम प्रदेशका हिमाली तथा गण्डकी प्रदेशका हिमाली र पहाडी क्षेत्रमा आंशिक बादल लाग्नेछ। बिहानीपख तराई, उपत्यका तथा खोचका थोरै स्थानमा हुस्सु/कुहिरो लाग्नेछ। 

यद्यपि यो शुक्रबार साँझकै प्रक्षेपण हो। मौसम महाशाखाले अहिले बिहान ८ बजे मौसम बुलेटिन अपडेट गर्नेछ। 

You May Also Like

More From Author

+ There are no comments

Add yours