सुनचाँदीको भाउ बढ्यो, कतिमा हुँदैछ कारोबार ?

०८ असार, काठमाडौँ । साताको पहिलो कारोबार दिन नेपाली बजारमा सुनको भाउ बढेको छ । आइतबार सुन तोलामा ५०० रुपैयाँले बढेको हो । चाँदी पनि तोलामान १० रुपैयाँले बढेको हो ।

नेपाल सुनचाँदी व्यवसायी महासंघका अनुसार आइतबार सुन प्रतितोला १ लाख ९५ हजार २०० रुपैयाँमा कारोबार भइरहेको छ । शुक्रबार सुन प्रतितोला १ लाख ९४ हजार ७०० रुपैयाँमा कारोबार भएको थियो ।

त्यसैगरी, आइतबार चाँदी प्रतितोला २ हजार १६० रुपैयाँमा कारोबार भइरहेको छ । शुक्रबार चाँदी प्रतितोला २ हजार १५० रुपैयाँमा कारोबार भएको थियो ।

नेपालमा अन्तर्राष्ट्रिय बजारका आधारमा सुनको मूल्य निर्धारण गर्ने गरिएको छ ।

आइतबार अन्तर्राष्ट्रिय बजारमा सुन प्रतिऔंस ३ हजार ३६८.०९ अमेरिकी डलर र चाँदी ३६.०१ अमेरिकी डलरमा कारोबार भइरहेको छ ।