डल्ले च्याउ प्रतिकेजी २३ रुपैयाँभन्दा बढीले महँगियो, कति पुग्यो तरकारी र फलफूलको मूल्य ?

१६ भाद्र, काठमाडौँ । कालीमाटी फलफूल तथा तरकारी बजार विकास समितिले प्रकाशित गरेको मूल्यसूची अनुसार आज डल्ले च्याउको भाउ प्रतिकेजी २३ रुपैयाँभन्दा बढीले बृद्धि भएको छ । शनिबार प्रतिकेजी ४३० रुपैयाँ रहेको डल्ले च्याउको भाउ आइतबार बढेर ४५३ रुपैयाँ ३३ पैसा पुगेको हो । 

यसैगरी, तने बोडी प्रतिकेजी ७६ रुपैयाँबाट बढेर ८५ रुपैयाँ, घिउ सिमी प्रतिकेजी ८६ रुपैयाँबाट बढेर ९५ रुपैयाँ, टाटे सिमी ११५ रुपैयाँ पुगेको छ । यसैगरी भटमासकोशा पनि प्रतिकेजी ९५ रुपैयाँबाट बढेर ११० रुपैयाँ पुगेको छ भने तराई परवर ४५ रुपैयाँबाट बढेर ५५ रुपैयाँ पुगेको छ । 

लोकल काक्रो प्रतिकेजी ५५ रुपैयाँ, हाइब्रीड काक्रो ३५ रुपैयाँ, रुख कटहर ८५ रुपैयाँ र अदुवा प्रतिकेजी २०० रुपैयाँबाट बढेर २१० रुपैयाँ पुगेको मूल्यसूचीमा उल्लेख छ । 

विस्तृत तालिकामा हेर्नुस्