नेपाल टेलिकमको सेवामा समस्या, डेटा डाउन

१२ साउन, काठमाडौँ । नेपाल टेलिकमको सेवामा समस्या देखिएको छ । ग्लोबल सिस्टम फर मोबाइल कम्युनिकेसन (जिएसएम) कोर नेटवर्कमा समस्या आउँदा सेवा प्रभावित भएको जनाइएको छ ।

जिएसएम कोर नेटवर्कमा समस्या आउँदा फोरजी डेटा डाउन भएको हो ।

नेपाल टेलिकमको नेटवर्कमा समस्या आउँदा फोन सम्पर्कमा समेत कठिनाइ भएको थियो । अहिले फोनको समस्या समाधान भइसके पनि डेटामा अवरोध कायमै छ।