स्याउको  मूल्य  घट्यो, किलोको कति ?

२६ जेठ, काठमाडौं । स्थानीय बजारमा स्याउको मूल्यमा गिरावट आएको छ । कालीमाटी फलफूल तथा तरकारी बजार विकास समितिको तथ्यांकले सोमबार स्याउको मूल्यमा गिरावट देखाएको हो ।

आज सोमबार फुजी स्याउको मूल्य प्रतिकिलो ५० रुपैयाँ घटेको छ । आज फुजी स्याउको मूल्य थोकमा प्रतिकिलो अधिकतम ३ सय रुपैयाँ कायम छ । औसतमा भने २ सय ७२ रुपैयाँ कायम छ ।

आइतबार फुजी स्याउ प्रतिकिलो अधिकतम ३ सय ८० रुपैयाँ र औसत ३ सय २२ रुपैयाँमा किनबेच भएको थियो ।

यस्तै झोले स्याउ प्रतिकिलो २ सय ४० रुपैयाँमा कारोबार भइरहेको छ ।

जेठ पहिलो साता फुजी स्याउ थोकमा प्रतिकिलो अधिकतम ३ सय २० रुपैयाँ र औसतमा २ सय ८० रुपैयाँमा कारोबार भएको थियो ।