बढ्यो हरियो भटमास र तिते करेलाको भाउ

०२ जेठ, काठमाडौं । स्थानीय बजारमा हरियो भटमास र तिते करेलाको भाउ बढेको छ । कालीमाटी फलफूल तथा तरकारी बजार विकास समितिको तथ्यांक अनुसार शुक्रबार यी दुवै तरकारीको भाउ बढेको हो ।

आज हरियो भटमासको भाउ थोकमा प्रतिकिलो ९५ रुपैयाँ कायम छ । बिहीबार हरियो भटमास प्रतिकिलो ८६ रुपैयाँमा किनबेच भएको थियो ।

यस्तै हिजो बिहीबार तिते करेला प्रतिकिलो २७ रुपैयाँमा किनबेच भएकोमा आज भने प्रतिकिलो ३० रुपैयाँ छ ।