गोलभेँडाको मूल्य घट्यो, किलोको कति ?

१६ वैशाख, काठमाडौं । बजारमा गोलभेँडाको मूल्य सस्तिएको छ । कालीमाटी फलफूल तथा तरकारी बजार विकास समितिको तथ्यांकले गोलभेँडाको मूल्य सस्तिएको देखाएको हो ।

कालीमाटी बजारमा गोलभेँडा ठूलो, सानो (लोकल) र सानो (तराई) गरी तीन प्रकारका किन्न पाइन्छ । त्यसमध्ये ठूलो गोलभेँडा भारतबाट समेत आउने गरेको छ ।

आज सानो (तराई) गोलभेँडाको मूल्य प्रतिकिलो १३ रुपैयाँ घटेको छ भने लोकल गेलभेँडाको प्रतिकिलो मूल्य मात्र ३४ पैसा घटेको छ ।

कालीमाटी बजारमा मंगलबार लोकल गोलभेँडाको होलसेल भाउ प्रतिकिलो २२ रुपैयाँदेखि २५ रुपैयाँ छ । त्यस्तै, सानो (तराई) गोलभेँडा २४ देखि ३० रुपैयाँ छ भने ठूलो गोलभेँडा नेपालीको ३५ देखि ४० र ठूलो भारतीय गोलभेँडाको मूल्य ५५ देखि ६० रुपैयाँ तोकिएको छ।