ईयूमा अब सबै नयाँ सवारी साधनहरूमा चाँडै नै ब्रेथलाइजर अनिवार्य गरिने

२० जेठ, काठमाडाैँ । युरोपेली संघले नयाँ सुरक्षा नियम लागू गर्ने भएको छ। यो सुरक्षा नियमले बजारमा नयाँ सवारी साधनहरू सञ्चालन गर्ने तरिकामा परिवर्तन ल्याउने अपेक्षा गरिएको छ।

ईयूको यो निर्णय अनुसार, युरोपेली बजारमा बिक्रि गरिने सबै नयाँ अटोमोबाइलहरू (अल्कोलक) भनेर चिनिने प्रणाली स्थापना गर्नको लागि प्राविधिक रूपमा तयार हुनुपर्ने टेलीग्राफले रिपोर्ट गरेको छ।

यो प्रणालीले कारमा निर्मित ब्रेथलाइजरले जस्तै काम गर्दछ। कार स्टार्ट गर्नु अघि, चालकले डिभाइसमा फुंक्नु पर्नेछ र यदि मदिरा (अल्कोहल) को स्तर कानुनी सीमा भन्दा माथि मापन गरिएको खण्डमा भने गाडी स्टार्ट नहुने उल्लेख गरिएको छ।

तर प्रत्येक नयाँ कारमा तुरुन्तै यो सक्रिय डिभाइस (उपकरण) स्थापना भने नहुने उल्लेख गरिएको छ। नयाँ नियम अनुसार, निर्माताहरूले प्रणालीलाई पछिका इन्स्टलेसन (स्थापना) हरुको लागि सवारी साधनहरू डिजाइन र प्राविधिक रूपमा तयार गर्नु पर्ने उल्लेख गरिएको छ। यो डिभाइस (उपकरण) आफैंमा मुख्यतया चालकहरूलाई सामान्यतया बारम्बार ट्राफिक उल्लङ्घन पछि अदालत वा सम्बन्धित संस्थाहरूले इन्स्टल गर्न आदेश दिएको अवस्थामा स्थापना गर्नु पर्ने अपेक्षा गरिएको छ।

यो उपाय जीएसआर२ (जेनेरल सेफ्टी रेगुलेसन) भनेर चिनिने फराकिलो ईयू सुरक्षा नियमनको अंश भएको बताइएको छ भने यो नियमले सडकमा दुर्घटना र हताहतको संख्या कम गर्ने लक्ष्य राखेको उल्लेख गरिएको छ।

युरोपेली सडक सुरक्षा विज्ञहरूको अनुमान अनुसार, “अल्कोलक” प्रणालीको व्यापक प्रयोगले ६५ प्रतिशतसम्म मदिरासँग सम्बन्धित घातक दुर्घटनाहरूलाई उल्लेखनीय रूपमा कम गर्न सक्ने उल्लेख गरिएको छ।

यो प्रणालीको अतिरिक्त, नयाँ नियमहरूमा नयाँ सवारी साधनहरूमा थप उन्नत पैदल यात्री र साइकल चालक पत्ता लगाउने प्रणाली, चालक व्यवहार अनुगमन र विस्तारित सवारी साधन “ब्ल्याक बक्स” जस्ता अन्य फङ्गसनहरू पनि अनिवार्य प्रविधिहरू समावेश रहेका छन्।

धेरैजस्तो चालकहरूले यो डिभाइस कहिल्यै प्रत्यक्ष रूपमा प्रयोग नगरे तापनि जुलाई ७ देखि युरोपेली संघका प्रत्येक नयाँ कार यो डिभाइसको स्थापनाको लागि तयार हुनुपर्ने उल्लेख गरिएको छ।