लिटिल एन्जल्स र डीएभी विजयी

लिटिल एन्जल्स र डिएभीले ३२ औं स.बल ज्ञान कार्निभलअन्तर्गत ब्वाइज फुटबलमा जित हात पारेका छन् ।

२१ भदाै, काठमाडौँ । लिटिल एन्जल्स (एलए) र डिएभीले ३२ औं स.बल ज्ञान कार्निभलअन्तर्गत ब्वाइज फुटबलमा जित हात पारेका छन् ।

एलएले मल्पीलाई ४–० गोलले पराजित गर्‍यो । अक्षय श्रेष्ठले २ तथा सम्पन्न थिङ र रुपम ओलीले समान १–१ गोल गरे । डिएभीएले राई स्कुललाई ३–० गोलले हरायो । सुदिप भट्टराई, श्रेयान्स पाठक र रिजु अधिकारीले गोल गरे ।

ब्वाइज फुटबलमै रातो बंगलाले जेम्समाथि ९–० को सहज जित दर्ता गर्‍यो । सिद्धान्त राईले ३, रोयस प्रधानले २ तथा आरभ श्रेष्ठ, कभिन श्रेष्ठ र निर्विग्न ढकालले समान १–१ गोल गरे । एक गोल आत्मघाती थियो ।

गर्ल्स फुटबलमा रातो बंगला र इस्टपोलले १–१ गोलको बराबरी खेले । रातो बंगलाकी काभ्या भट्टराई तथा इस्पपोलकी श्रृया खड्काले गोल गरे । एभीएमले एलएबाट वाकओभर पायो ।

बास्केटबलको ब्वाइजमा एलएले मल्पीलाई ४१–१७ ले पराजित गर्‍यो । एलएका सुजल यादवले २० स्कोर जोडे । गर्ल्समा मल्पीले एलिक्सर एकेडेमीलाई २०–१० ले हरायो । मल्पीकी सहारा गुरुङले ८ स्कोर गरिन् ।