१२ वैशाख, काठमाडौं । उद्योग वाणिज्य महासंघले लगानी प्रवर्द्धनार्थ भएको कानुनी सुधार स्वागतयोग्य भएको दाबी गरेको छ।
एक विज्ञप्ति जारी गर्दै महासंघले लगानी प्रवद्र्धनका लागि सरकारले १२ कानुन र नियमावलीमा अध्यादेश मार्पmत् भएको संसोधन स्वागतयोग्य रहेको जनाएको छ।
कूल गार्हस्थ्य उत्पादनको ०.२ प्रतिशतमात्रै विदेशी लगानी आइरहेको सन्दर्भमा महासंघको आग्रहमा गरिएको सुधारले लगानीको वातावरण वन्ने विश्वास गर्न सकिने महासंघको दाबी छ।
‘यही बैशाख १६ र १७ गते आयोजना हुने लगानी सम्मेलनलाई लक्षित गरि निजी क्षेत्रको आग्रहमा विदेशी लगानी तथा प्रविधि हस्तान्तरण ऐन २०७५, औद्योगिक व्यवसाय ऐन २०७६, वन ऐन, भुमि सम्बन्धि ऐन लगायतका कानुमा संसोधन गरेको छ। नयाँ व्यवस्थाले वातावरणीय प्रभाव मुल्यांकन, हदवन्दी लगायतका बिषयलाई सम्बोधन गरेको छ,’ महासंले भनेको छ, ‘महासंघको पहलमा नियमावली बनाइ स्टार्ट अपको परिभाषा दिने विषय पनि यस पटकको केही नेपाल ऐन संसोधनमा परेकोमा महासंघले खुशी व्यक्त गरेको छ।’
यसअघि परिभाषाको अभावमा स्टार्ट अपलाई सुविधा दिन सकिएको थिएन। महासंघले नै नियमावलीमार्फत् परिभाषा खोजेपनि यसपटक सिधै ऐनबाट सम्बोधन हुनु सकारात्मक रहेको महासंघको भनाइ छ।
प्रधानमन्त्री कार्यालका तत्कालीन सचिव एक नारायण अर्यालको संयोकत्वमा गठित नीतिगत सुधार कार्यदलको सुभाव अनुरुप ऐन नियममा संसोधन भएको हो। जसमा महासंघको सक्रिय सहभागिता रहेको थियो।
अध्यादेशबाट पारित कानुनी व्यवस्थालाई संसदले पनि अनुमोदन गर्ने महासंघको विश्वास छ।
यसैगरि संसोधित कानुन कार्यान्वयन हुनेमा महासंघ आशावादी छ। यो सुधार दोस्रो पुस्ताको सुधारका लागि प्रस्थानविन्दु भएको महासंघले विश्वास लिएको छ।