११ मंसिर, काठमाडाैं । साताको पहिलो दिन आइतबार सुनचाँदीको मूल्य स्थिर रहेको छ ।
गत बिहीबार ९७ हजार ८०० रुपैयाँ प्रति तोलामा कारोबार भएको छापावाला सुनको मूल्य आज पनि कायमै रहेको नेपाल सुन चाँदी व्यवसायी महासंघले जनाएको छ ।
यसैगरी बिहीबार ९७ हजार ३०० रुपैयाँ प्रति तोलामा कारोबार भएको तेजाबी सुनको मूल्य आज पनि यथावत् नै रहेको छ ।
तर बिहीबार १ हजार ३०५ रुपैयाँ प्रतितोलामा कारोबार भइरहेको चाँदी शुक्रबार १० रुपैयाँले घटेर १ हजार २९५ रुपैयाँमा कारोबार भइरहको थियो ।
साताको पहिलो दिन आइतबार चाँदीको मूल्यमा पनि कुनै परिवर्तन आएको छैन । महासंघले शुक्रबार तोकेको मूल्यले नै आइतबार पनि सनरन्तरता पाएको हो ।