२९ पुस, काठमाडाैँ । सुनको मूल्य बिहीबार नेपाली बजारमा बढेको छ । नेपाल सुनचाँदी व्यवसायी महासंघका अनुसार बुधबारको तुलनामा बिहीबार सुन तोलामा ५०० रुपैयाँले बढेको हो ।
महासंघका अनुसार बिहीबारका लागि छापावाला सुनको मूल्य प्रतितोला ९२ हजार ५०० रुपैयाँ र तेजावी सुनको मूल्य ९२ हजार रुपैयाँ कायम गरिएको छ ।
बुधबार छापावाला सुनको मूल्य तोलाको ९२ हजार रुपैयाँ र तेजावी सुन प्रतितोला ९१ हजार ५०० रुपैयाँमा कारोबार भएको थियो ।
यस्तै आज चाँदीको मूल्य पनि बढेको छ । महासंघका अनुसार बिहीबार चाँदी प्रतितोला २० रुपैयाँले बढेर १ हजार २५५ रुपैयाँ कायम भएको छ । बुधबार चाँदी तोलाको १ हजार २३५ रुपैयाँमा कारोबार भएको थियो ।
महासङ्घले अन्तर्राष्ट्रिय बजारमा हुने सुन चाँदीको मूल्यको उतार चढावका आधारमा यहाँँ दैनिक सुन तथा चाँदीको कारोबार मूल्य तोक्दै आएको छ ।
अन्तर्राष्ट्रिय बजारमा आज सुन प्रतिऔँस १ हजार ८२६ डलर आसपासमा कारोबार भइरहेको छ । यस्तै चाँदी प्रतिऔँस २३.१९ डलर आसपासमा कारोबार भइरहेको छ ।