२७ चैत, काठमाडौं । नेपाली बजारमा सुनचाँदीको मूल्य उतारचढाव कायम रहेको छ । आज सातको अन्तिम दिन शुक्रबार सुनको मूल्य बृद्धी भएको छ ।
यस दिन सुनको मूल्य तोलामा ९०० रुपैयाँले बढेको छ भने चाँदीको मूल्य पनि तोलामा २० रुपैयाँले बढेको छ।
आज छापावाला सुन प्रतितोला ८९ हजार ९०० रुपैयाँमा कारोबार भइरहेको छ भने तेजाबी सुन प्रतितोला ८९ हजार ४५० रुपैयाँमा खरिद बिक्री भइरहेको नेपाल सुनचाँदी व्यवसायी महासँघले जनाएको छ।
अघिल्लाे दिन छापावाला सुन प्रतिताेला ८९ हजार र तेजाबी सुन प्रतितोला ८८ हजार ५५० रुपैयाँमा कारोबार भएको थियो।
यस्तै शुक्रबार चाँदीको मूल्य पनि बढेर १ हजार २८० रुपैयाँ पुगेको महासँघले जनाएको छ। बिहीबार चाँदी प्रतितोला १ हजार २६० रुपैयाँमा कारोबार भएको थियो।
यो पनि पढ्नुहोस्: