२३ फागुन, काठमाडौं । अमेरिकी राष्ट्रपति जो बाइडेन र पूर्वराष्ट्रपति डोनाल्ड ट्रम्पले २०२४ को राष्ट्रपति चुनावको आ–आफ्नो पार्टीको प्राइमरीमा सुपर ट्युस्युडे जितमा अग्रता लिएका छन्।
अमेरिकी लेखक मारियान विलियम्सन र काँग्रेस सदस्य डीन फिलिप्सले चुनौति दिएका बाइडेनलाई अलाबामा, म्यासाचुसेट्स, मेन, नर्थ क्यारोलिना, ओक्लाहोमा, टेनेसी, भर्जिनिया र भर्मन्टको डेमोक्रेटिक प्राइमरी र आयोवामा पार्टीबाट राष्ट्रपति उम्मेदवारको लागि प्राइमरी चुनाव जितेका हुन्।
ट्रम्पले अलाबामा, नर्थ क्यारोलिना, ओक्लाहोमा, टेनेसी र भर्जिनियामा रिपब्लिकन प्राथमिक प्रतिष्पर्धामा विजय हासिल गर्ने अनुमान गरिएको छ। दक्षिण क्यारोलिनाका पूर्वगभर्नर र संयुक्त राष्ट्रका लागि पूर्व अमेरिकी राजदुत निक्की हेलीले ट्रम्पसँग प्रतिष्पर्धा गर्दै छन्।
धेरै जनसंख्या भएको क्यालिफोर्निया र टेक्सास र अमेरिकी भूभाग अमेरिकी सामोआलगायत १५ राज्यमा मंगलबार प्राथमिक निर्वाचन भएको छ।