३० बैशाख, काभ्रे । काभ्रेपलाञ्चोकको पाँचखाल नगरपालिका-१३ मा मतदानस्थल तोडफोड भएको छ ।
मतदान अधिकृतले एकै जनालाई १० वटा मतपत्र दिन खोजेपछि विवाद हुँदा मतदानस्थल नै तोडफोड भएको हो ।
जिल्ला प्रहरी कार्यालय काभ्रेपलाञ्चोकका प्रमुख एसपी चक्रराज जोशीले मतपत्रको विषयमा विवाद हुँदा तोडफोड भएको बताए ।
जोशीका अनुसार मतदानस्थलका कुर्सी, बुथलगायत तोडफोड भएको तर ब्यालेट बक्स भने सुरक्षित छन् । अहिले सर्वदलीय बैठक बसिरहेको छ ।
मतदानस्थल तोडफोडको भिडियो चर्चित हास्यकलाकार मधुसुदन पाठक ‘सीतेबा’ले फेसबूकमा राखेका छन् ।
यो सीतेबाले मतदान गर्ने मतदान स्थल पनि हो ।
हेर्नुहोस्, भिडियो :
लाेकान्तरबाट