०६ कार्तिक, काठमाडौं । नेपाल हस्तकला महासंघले कात्तिक ९ देखि १६ गतेसम्म हस्तकला कोेशेली मेला आयोजना गर्ने भएको छ ।
श्ुक्रबार काठमाडौंमा पत्रकार सम्मेलन गरी महासंघले आउँदो कार्तिक ९ देखि १६ गतेसम्म हस्तकला कोेशेली मेला आयोजना गर्ने जानकारी गराएको हो ।
महासंघले आउँदो कार्तिक ८, ९ र १० गते काठमाडौंको नक्साल, ११, १२ र १३ गते भक्तपुरको ठिमी र १४, १५ र १६ गते ललितपुरको कृष्णगल्लीमा हस्तकला कोेशेली मेला आयोजना गर्ने मेलाका संयोजक विक्रमसिंह महर्जनले बताए ।
मेलामा २५ वटा स्टल रहने र ३० देखि ३५ लाखसम्मको कारोबार हुने अपेक्षा गरिएको महर्जनले जानकारी दिए ।
मेला संयोजक महर्जनले मेलामा स्टलमा पहिलो प्राथमकता महासंघको सदस्यलाई दिने बताए ।
गैरसदस्यहरुलाई स्टलको भाडा लिने र त्यसमा छुट नदिएको उनले बताए । कोरोना भाइरसका कारण थला परेको हस्तकला क्षेत्र बिस्तारै चलायमान बनाउँदै लैजान मेलाले सहयोग पुग्ने महासंघले विश्वास लिएको छ ।