२३ मंसिर, काठमाडौँ । शहिद स्मारक ए डिभिजन लिगमा आज एक खेल मात्रै हुने भएको छ ।
दशरथ रंगशालामा हुने खेलमा बेलुकी ५ बजे च्यासल युथ क्लब र त्रिभुवन आर्मी फुटबल क्लब भिड्ने छन् ।
हिजो भएका दुई खेलमा मछिन्द्र फुटबल क्लबले जावलाखेल युथ क्लबलाई २–० गोलअन्तरले पराजित गर्दा हिमालयन शेर्पा र नेपाल पुलिसले १–१ गोलको बराबरी खेल्दै अंक बाडेका थिए ।
भोली शुक्रबार मनाङ मर्सयाङ्दी र फ्रेण्ड्स क्लब दिउँसो १ बजे भिड्नेछन् ।