१२ भदाै, काठमाडाैँ । राष्ट्रपति विद्यादेवी भण्डारीले जलवायु परिवर्तनको जोखिम घटाउन नवीकरणीय ऊर्जामा जोड दिनुपर्ने बताउनुभएको छ ।
जलवायु परिवर्तनका विषयमा शुक्रबार आयोजना भएको कार्यक्रममा राष्ट्रपतिले नेपाल आफैँ जलवायु परिवर्तनमा योगदान गर्ने राष्ट्र नभए पनि यसबाट उत्पन्न गम्भीर प्रभाव भोग्ने राष्ट्रहरूको माथिल्लो सूचीमा रहनु चिन्ताको विषय भएको बताउनुभयो ।
कार्यक्रमलाई सम्बोधन गर्दै राष्ट्रपति भण्डारीले विश्वव्यापी जलवायु परिवर्तनका कारण नेपालको जैविक विविधता तथा हिमालय क्षेत्रको प्राकृतिक सन्तुलनमा चिन्ताजनक प्रभाव परेको बताउनुभएको थियो । उहाँले प्रकृतिमैत्री जीवनशैली अनुसरण गरी जलवायु परिवर्तनको प्रभाव न्यून गर्दै लैजानुपर्नेमा जोड दिनुभएको थियो ।